ಸಹಜೀವನ ಸಂಗಾತಿಯಿಂದ ಬೆಂಕಿ: ಮಹಿಳೆ ಸಾವು

‘ಫೆ.11ರಂದು ಮಹಿಳೆ ಸುಟ್ಟ ಗಾಯಗಳಿಂದ ಎಸ್‌ಜಿಎಂ ಆಸ್ಪತ್ರೆ ಸೇರಿರುವ ಮಾಹಿತಿ ಲಭ್ಯವಾಗಿತ್ತು. ಆದರೆ ಸಂತ್ರಸ್ತೆ ಹೇಳಿಕೆ ನೀಡುವಷ್ಟು ಶಕ್ತರಾಗಿರಲಿಲ್ಲ. ಬಳಿಕ ಆಕೆಯನ್ನು ಬಲ್ಬೀರ್‌ ವಿಹಾರ್‌ ನಿವಾಸಿ ಎಂದು ಗುರುತಿಸಲಾಯಿತು. ಮಹಿಳೆಯು ಪತಿಯನ್ನು ತೊರೆದು ಕಳೆದ ಆರು ವರ್ಷಗಳಿಂದ ಅರೋಪಿ ಮೋಹಿತ್‌ ಜೊತೆ ವಾಸಿಸುತ್ತಿದ್ದರು ಎಂದು ತನಿಖೆ ವೇಳೆ ತಿಳಿದುಬಂದಿದೆ. ಆಕೆಗೆ ಇಬ್ಬರು ಮಕ್ಕಳಿದ್ದಾರೆ’ ಎಂದು ಪೊಲೀಸರು ತಿಳಿಸಿದ್ದಾರೆ.

ಕುಟುಂಬಸ್ಥರ ಹೇಳಿಕೆ ಆಧಾರದಲ್ಲಿ ಮೋಹಿತ್‌ ವಿರುದ್ಧ ಕೊಲೆ ಪ್ರಕರಣ ದಾಖಲಿಸಲಾಗಿದೆ. ಫೆ.10ರಂದು ಆರೋಪಿ ಮೋಹಿತ್‌ ಮಾದಕ ವಸ್ತು ಸೇವನೆ ಮಾಡಿದ ವಿಚಾರಕ್ಕೆ ಸಂತ್ರಸ್ತ ಮಹಿಳೆಯೊಂದಿಗೆ ವಾಗ್ವಾದ ನಡೆದಿತ್ತು. ಆರೋಪಿ ಆಕೆಯ ಮೇಲೆ ಟಾರ್ಪಿನ್‌ ಆಯಿಲ್ ಸುರಿದು ಬೆಂಕಿ ಹಚ್ಚಿದ್ದಾನೆ ಎಂದು ದೂರಿನಲ್ಲಿ ಆರೋಪಿಸಲಾಗಿದೆ. ಪ್ರಕರಣ ಸಂಬಂಧಿಸಿದಂತೆ ಮೋಹಿತ್‌ನನ್ನು ಬಂಧಿಸಿ ತನಿಖೆ ನಡೆಸಲಾಗುತ್ತಿದೆ ಎಂದು ತಿಳಿಸಿದ್ದಾರೆ.