ಜಿಬ್ಬಿ ಅವರ ಸ್ನೇಹಿತ ಸೂರಜ್ ಡ್ರೋನ್ ಕಾರ್ಯಾಚರಣೆ ನಡೆಸಲು ಅನುಮತಿಯನ್ನು ಪಡೆದಿದ್ದಾರೆ. ಬಹುಮಹಡಿ ಕಟ್ಟಡಗಳಲ್ಲಿ ಇರುವ ಮತದಾರರನ್ನು ತಲುಪಲು ಡ್ರೋನ್ ಬಳಕೆಯ ಸಲಹೆಯನ್ನು ಸೂರಜ್ ನೀಡಿದ್ದರು. ಡ್ರೋನ್ನಲ್ಲಿ ಅಭ್ಯರ್ಥಿಯ ಚಿತ್ರ, ವಿವರ ಹಾಗೂ ಮತದಾನಕ್ಕೆ ಮನವಿಯುಳ್ಳ ಬ್ಯಾನರ್ ಅನ್ನು ನೇತು ಹಾಕಿ ಹಾರಿಬಿಡಲಾಗುತ್ತಿದೆ. ಜನರು ಇದನ್ನು ವೀಕ್ಷಿಸಲು ಬಾಲ್ಕನಿಗೆ ಬಂದ ಸಂದರ್ಭದಲ್ಲಿ ಬಹುಮಹಡಿ ಕಟ್ಟಡದ ಪ್ರವೇಶದ್ವಾರದಲ್ಲಿ ನಿಲ್ಲುವ ಜಿಬ್ಬಿ, ತಮಗೆ ಮತದಾನ ಮಾಡುವಂತೆ ಮನವಿ ಮಾಡಿ ಕೈಬೀಸುತ್ತಿದ್ದಾರೆ.