ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಜಮ್ಮು- ಕಾಶ್ಮೀರ: ಬಿಲಾಕ್ವಿಸ್‌ ವಿರುದ್ಧ ಚಾರ್ಜ್‌ಶೀಟ್‌ ಸಲ್ಲಿಸಿದ ಇ.ಡಿ

Last Updated 17 ಸೆಪ್ಟೆಂಬರ್ 2020, 11:14 IST
ಅಕ್ಷರ ಗಾತ್ರ

ನವದೆಹಲಿ: ಅಕ್ರಮ ಹಣ ವರ್ಗಾವಣೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಾಶ್ಮೀರ ಪ್ರತ್ಯೇಕತಾವಾದಿ ನಾಯಕ ಶಬೀರ್‌ ಶಾ ಪತ್ನಿ ಬಿಲಾಕ್ವಿಸ್‌ ಶಾ ವಿರುದ್ಧ ಜಾರಿ ನಿರ್ದೇಶನಾಲಯವು (ಇ.ಡಿ) ಚಾರ್ಜ್‌ಶೀಟ್‌ ಸಲ್ಲಿಸಿದೆ.

ಜಮ್ಮು ಮತ್ತು ಕಾಶ್ಮೀರದ ಭಯೋತ್ಪಾದಕರಿಗೆ ಹಣಕಾಸಿನ ನೆರವು ನೀಡುತ್ತಿರುವ ಜಾಲದ ಬಗ್ಗೆ ಇ.ಡಿ ತನಿಖೆ ನಡೆಸುತ್ತಿದೆ. ಜಾರ್ಜ್‌ಶೀಟ್‌ನಲ್ಲಿ ಬಿಲಾಕ್ವಿಸ್‌ ಅವರನ್ನು ಆರೋಪಿ ಎಂದು ಉಲ್ಲೇಖಿಸಲಾಗಿದೆ.

ಹೆಚ್ಚುವರಿ ಹಾಗೂ ಸೆಷನ್ಸ್‌ ನ್ಯಾಯಾಧೀಶ ಧರ್ಮೇಂದ್ರ ರಾಣಾ ಅವರು ನವೆಂಬರ್‌ 10ರಂದು ಇದರ ವಿಚಾರಣೆ ನಡೆಸಲಿದ್ದಾರೆ.

ಬಿಲಾಕ್ವಿಸ್‌ ಹಾಗೂ ಶಬೀರ್‌ ಅವರು ಹವಾಲಾ ಡೀಲರ್‌ ಅಸ್ಲಾಮ್‌ ವನಿ ಎಂಬಾತನಿಂದ ₹2.08 ಕೋಟಿ ಹಣ ಸ್ವೀಕರಿಸಿದ್ದಾರೆ ಎಂದು ಇ.ಡಿ ಪರ ವಿಶೇಷ ಪಬ್ಲಿಕ್‌ ಪ್ರಾಸಿಕ್ಯೂಟರ್‌ ಎನ್‌.ಕೆ.ಮಠ್‌ ಮತ್ತು ರಾಜೀವ್‌ ಅಶ್ವತಿ ಅವರು ಜಾರ್ಜ್‌ಶೀಟ್‌ನಲ್ಲಿ ತಿಳಿಸಿದ್ದಾರೆ.

‘ ₹2.08 ಕೋಟಿ ಮೊತ್ತವನ್ನು ನಗದು ರೂಪದಲ್ಲಿ ಶಬೀರ್‌ ಮತ್ತು ಬಿಲಾಕ್ವಿಸ್‌ಗೆ ನೀಡಿರುವುದಾಗಿ ಅಸ್ಲಾಮ್‌ ವನಿ ವಿಚಾರಣೆ ವೇಳೆ ಬಾಯ್ಬಿಟ್ಟಿದ್ದಾನೆ’ ಎಂಬ ಅಂಶವನ್ನೂ ಜಾರ್ಜ್‌ಶೀಟ್‌ನಲ್ಲಿ ಸೇರಿಸಲಾಗಿದೆ.

‘ತನ್ನ ಪತಿಗೆ ಯಾವುದೇ ಆದಾಯ ಮೂಲಗಳಿಲ್ಲ. ಇದು ಅಕ್ರಮ ಹಣ ಎಂಬುದು ಗೊತ್ತಾದ ಮೇಲೂಬಿಲಾಕ್ವಿಸ್‌ ಅಷ್ಟೂ ಮೊತ್ತವನ್ನೂ ಪಡೆದಿದ್ದಾರೆ. ತನ್ನ ಗಂಡನ ಅಪರಾಧ ಚಟುವಟಿಕೆಗಳಲ್ಲಿ ಅವರೂಸಕ್ರಿಯವಾಗಿ ಭಾಗಿಯಾಗಿರುವುದು ಇದರಿಂದ ಖಾತರಿಯಾಗುತ್ತದೆ. ಪಿಎಂಎಲ್‌ಎ ಕಾಯ್ದೆಯ ಸೆಕ್ಷನ್‌ 3ರ ಅನ್ವಯ ಅವರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ’ ಎಂದು ಜಾರಿ ನಿರ್ದೇಶನಾಲಯ ಹೇಳಿದೆ.

ಜಮಾತ್ ಉಲ್‌ ದವಾ ಸಂಘಟನೆಯ ಮುಖ್ಯಸ್ಥ ಹಾಗೂ ಭಯೋತ್ಪಾದಕ ಹಫೀಜ್‌ ಸಯೀದ್‌ ಜೊತೆ ಶಬೀರ್‌ ನಿರಂತರ ಸಂಪರ್ಕದಲ್ಲಿದ್ದ. ಪಾಕಿಸ್ತಾನದ ಮೊಹಮ್ಮದ್‌ ಶಫಿ ಶಾಯರ್‌ ಜೊತೆಗೂ ಶಬೀರ್‌ ಸಂಪರ್ಕದಲ್ಲಿದ್ದ. ತನ್ನ ಪರವಾಗಿ ದೆಹಲಿಯಿಂದಅಕ್ರಮ ಹಣವನ್ನು (ಪಾಕಿಸ್ತಾನದಿಂದ ಬಂದಿದ್ದು) ಪಡೆದುಕೊಳ್ಳುವಂತೆ ಅಸ್ಲಾಂ ವನಿಗೆ ಸೂಚಿಸಿದ್ದ ಶಬೀರ್‌, ಇದಕ್ಕಾಗಿ ಶಫಿ ಶಾಯರ್‌ನ ಪಾಕಿಸ್ತಾನದ ದೂರವಾಣಿ ಸಂಖ್ಯೆಯನ್ನು ಅಸ್ಲಾಂಗೆ ನೀಡಿದ್ದ ಎಂದೂ ಹೇಳಲಾಗಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT