ಈ ವಿಡಿಯೊ ಕುರಿತು ಧರ್ಮದ ಆಯಾಮದಲ್ಲಿ ನಡೆಯುತ್ತಿರುವ ಚರ್ಚೆ ಸತ್ಯಕ್ಕೆ ದೂರವಾದುದು ಎಂದು ‘ದಿ ಲಾಜಿಕಲ್ ಇಂಡಿಯನ್’ ವೆಬ್ಸೈಟ್ ತಿಳಿಸಿದೆ. 2022ರ ಜುಲೈನಲ್ಲಿ, ಪಾಕಿಸ್ತಾನದ ಕರಾಚಿಯಲ್ಲಿ ನಡೆದ ಈ ಘಟನೆಯ ವಿಡಿಯೊವನ್ನು ಕೋಮುದ್ವೇಷ ಹರಡುವ ರೀತಿಯಲ್ಲಿ ತಪ್ಪಾಗಿ ಹಂಚಿಕೊಳ್ಳಲಾಗುತ್ತಿದೆ. ಇಸ್ಮಾಯಿಲ್ ಎಂಬ ವ್ಯಕ್ತಿ ತನಗೆ ನಿದ್ದೆ ಮಾಡಲು ಬಿಡದೆ ಕಾಟ ಕೊಟ್ಟ ತನ್ನ ಮಗುವನ್ನು ಥಳಿಸಿದ್ದ. ಆತನ ಪತ್ನಿ ಥಳಿತದ ವಿಡಿಯೊ ಮಾಡಿ ಪೊಲೀಸರಿಗೆ ದೂರು ನೀಡಿದ್ದಳು. ಆರೋಪಿ ವಿರುದ್ಧ ಸಿಂಧ್ ಪ್ರಾಂತ್ಯದ ಪೊಲೀಸರು ಕ್ರಮ ಜರುಗಿಸಿದ್ದರು. ಇದನ್ನು ಪಾಕಿಸ್ತಾನದ 24 ನ್ಯೂಸ್, ಎಟಿಎನ್ ನ್ಯೂಸ್ ಸಂಸ್ಥೆಗಳು ವರದಿ ಮಾಡಿದ್ದವು. ಆರೋಪಿಯನ್ನು ಬಂಧಿಸಿದ್ದ ಚಿತ್ರವನ್ನು ಕರಾಚಿ ಪೊಲೀಸರು ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದರು. ಭಾರತಕ್ಕೂ ಈ ವಿಡಿಯೋಗೂ ಸಂಬಂಧವಿಲ್ಲ. ಇದು ಇತ್ತೀಚಿನ ಘಟನೆಯೂ ಅಲ್ಲ. ಹಾಗೆಯೇ ಹಿಂದೂ–ಮುಸ್ಲಿಂ ಧರ್ಮದ ಆಯಾಮದಲ್ಲಿ ನಡೆಯುತ್ತಿರುವ ಚರ್ಚೆಗೂ ಅರ್ಥವಿಲ್ಲ ಎಂದು ವೆಬ್ಸೈಟ್ ಸ್ಪಷ್ಟಪಡಿಸಿದೆ.