ಪುದುಚೇರಿ: ಐವರು ಸಂಪುಟಕ್ಕೆ ಸೇರ್ಪಡೆ

ಎನ್‌. ರಂಗಸ್ವಾಮಿ ಅವರು ಮುಖ್ಯಮಂತ್ರಿಯಾಗಿ ಅಧಿಕಾರ ಸ್ವೀಕರಿಸಿ ಎರಡು ತಿಂಗಳ ಬಳಿಕ ಸಂಪುಟ ವಿಸ್ತರಿಸಲಾಗಿದೆ.

ಬಿಜೆಪಿಯ ಎ. ನಮಶಿವಾಯಂ ಮತ್ತು ಎ.ಕೆ. ಸಾಯ್‌ ಜೆ. ಶರವಣ ಕುಮಾರ್‌ ಹಾಗೂ ಎಐಎನ್‌ಆರ್‌ಸಿಯ ಕೆ. ಲಕ್ಷ್ಮೀನಾರಾಯಣ, ಸಿ. ಜಿಯಾಕೌಮಾರ್‌, ಚಂದಿರಾ ಪ್ರಿಯಾಂಗಾ ಅವರು ಸಚಿವರಾಗಿ ರಾಜ್‌ ನಿವಾಸದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಪ್ರಮಾಣ ವಚನ ಸ್ವೀಕರಿಸಿದರು.ಲೆಫ್ಟಿನೆಂಟ್ ಗವರ್ನರ್ ತಮಿಳಿಸೈ ಸೌಂದರರಾಜನ್‌ ಪ್ರಮಾಣ ವಚನ ಬೋಧಿಸಿದರು.

ಪುದುಚೇರಿಯಲ್ಲಿ ಇದೇ ಪ್ರಥಮ ಬಾರಿ ಬಿಜೆಪಿ ಸರ್ಕಾರದ ಭಾಗವಾಗಿದೆ. ಜತೆಗೆ, ಚಂದಿರಾ ಪ್ರಿಯಾಂಗಾ ಅವರು ಸುಮಾರು ನಾಲ್ಕು ದಶಕಗಳಲ್ಲಿ ಸಚಿವರಾಗಿರುವ ಮೊದಲ ಮಹಿಳೆಯಾಗಿದ್ದಾರೆ.