ಕುಮಾರಸ್ವಾಮಿ ವಚನಭ್ರಷ್ಟತೆ ಪಿತಾಮಹ ಎಂದ ರಾಜಣ್ಣ: ಕಾಂಗ್ರೆಸ್‌ನತ್ತ ಶ್ರೀನಿವಾಸ್‌?

ಕೆ.ಎನ್‌.ರಾಜಣ್ಣ, ‘ವಚನಭ್ರಷ್ಟತೆ, ಒಳಸಂಚಿನ ಪಿತಾಮಹ ಕುಮಾರಸ್ವಾಮಿ. ಅವರಿಂದಲೇ ಬಾಂಡ್ ಪೇಪರ್ ಸಂಸ್ಕೃತಿ ಶುರುವಾಯಿತು. ಅವರಿಗೆ ಯಾವುದೇ ತತ್ವ ಸಿದ್ಧಾಂತಗಳೂ ಇಲ್ಲ’ಎಂದರು.

ಶ್ರೀನಿವಾಸ್ ಮಾತನಾಡಿ, ‘ಲೋಕಸಭಾ ಚುನಾವಣೆಯಲ್ಲಿ ಎಚ್‌.ಡಿ. ದೇವೇಗೌಡರು ನಮ್ಮನ್ನು ವಿಶ್ವಾಸಕ್ಕೆ ತೆಗೆದುಕೊಳ್ಳಲಿಲ್ಲ. ಕೆಲವರನ್ನು ಮಾತ್ರ ವಿಶ್ವಾಸಕ್ಕೆ ತೆಗೆದುಕೊಂಡರು. ಅವರನ್ನು ನಂಬಿದ್ದಕ್ಕೆ ತಕ್ಕ ಪ್ರತಿಫಲ ಅನುಭವಿಸಿದರು’ ಎಂದರು.

***

ಅಧಿಕಾರದ ಆಸೆ ಇದ್ದವರು ಮಾತ್ರ ಬಿಜೆಪಿಗೆ ಹೋಗುವರು. ನನಗೆ ಅಧಿಕಾರದ ಆಸೆ ಇಲ್ಲ. ಬಿಜೆಪಿ ಬಗ್ಗೆ ಒಲವೂ ಇಲ್ಲ. ಎಚ್‌.ಡಿ.ಕುಮಾರಸ್ವಾಮಿ ಬಿಜೆಪಿ ಜತೆ ಹೋದರೆ ನಾನು ಜೆಡಿಎಸ್ ತೊರೆಯುವುದು ಶತಸಿದ್ಧ. ನಾನು ಈಗ ಜೆಡಿಎಸ್‌ನಲ್ಲಿಯೇ ಇದ್ದೇನೆ. ಮುಂದಿನ ಚುನಾವಣೆ ವೇಳೆಗೆ ಎಲ್ಲಿ ಇರುತ್ತೇನೊ ಗೊತ್ತಿಲ್ಲ.
-ಎಸ್‌.ಆರ್.ಶ್ರೀನಿವಾಸ್, ಜೆಡಿಎಸ್‌ ಶಾಸಕ, ಗುಬ್ಬಿ ವಿಧಾನಸಭಾ ಕ್ಷೇತ್ರ