ಈ ಕುರಿತು ಟ್ವೀಟ್ ಮಾಡಿರುವ ಸುದ್ದಿಸಂಸ್ಥೆ ಎಎನ್ಐ, ಹೀರೊ ಮೋಟೊಕಾರ್ಪ್ ₹1 ಸಾವಿರ ಕೋಟಿ ಖರ್ಚಾಗಿರುವುದಕ್ಕೆ ಸುಳ್ಳು ದಾಖಲೆಗಳನ್ನು ಒದಗಿಸಿದೆ. ಅಸಲಿಗೆ ಅಷ್ಟು ಹಣವನ್ನು ಕಂಪನಿ ಖರ್ಚು ಮಾಡಿಲ್ಲ ಎಂಬುದಾಗಿ ಐಟಿ ಇಲಾಖೆ ತಿಳಿಸಿರುವುದಾಗಿ ಹೇಳಿದೆ.ಅಲ್ಲದೇ ದೆಹಲಿಯ ಹೊರವಲಯದ ಚತ್ರಪುರ್ ಬಳಿ ಸುಮಾರು ₹100 ಕೋಟಿ ಮೌಲ್ಯದ ಫಾರ್ಮ್ಹೌಸ್ನ್ನು ಹೀರೊ ಇಂಡಿಯಾದವರು ಕಪ್ಪು ಹಣದ ರೂಪದಲ್ಲಿ ನಗದು ಹಣ ನೀಡಿ ಖರೀದಿಸಿದ್ದಾರೆ ಎಂಬುದು ಬೆಳಕಿಗೆ ಬಂದಿದೆ.
