ಮಾಲ್ಡಾ (ಪಶ್ಚಿಮ ಬಂಗಾಳ): ಪಶ್ಚಿಮ ಬಂಗಾಳ ಪೊಲೀಸ್ ಮತ್ತು ರೈಲ್ವೆ ಪೊಲೀಸ್ನ ವಿಶೇಷ ಕಾರ್ಯಪಡೆ ನ್ಯೂಜಲಪೈಗುರಿ ರೈಲ್ವೆ ನಿಲ್ದಾಣದಲ್ಲಿ ಮೂವರನ್ನು ಬಂಧಿಸಿ, ಅವರಿಂದ ₹19 ಕೋಟಿ ಮೌಲ್ಯದ ಹೆರಾಯಿನ್ ವಶಪಡಿಸಿಕೊಂಡಿವೆ.
ರೈಲ್ವೆ ನಿಲ್ದಾಣದಲ್ಲಿ ನಿಂತಿದ್ದ ದಿಬ್ರುಗಡ್– ನವದೆಹಲಿ ವಿಶೇಷ ರಾಜಧಾನಿ ರೈಲಿನ ಬೋಗಿಯೊಂದರ ಮೇಲೆ ಬುಧವಾರ ದಾಳಿ ನಡೆಸಿದ ಎಸ್ಟಿಎಫ್ ಮತ್ತು ಜಿಆರ್ಪಿ ಪೊಲೀಸ್ ತಂಡ ಮೂವರನ್ನು ಬಂಧಿಸಿ, ಅವರಿಂದ 3.8 ಕೆ.ಜಿ ಹೆರಾಯಿನ್ ವಶಪಡಿಸಿಕೊಂಡಿರುವುದಾಗಿ ಎಸ್ಟಿಎಫ್ ಪ್ರಕಟಣೆಯಲ್ಲಿ ತಿಳಿಸಿದೆ.
ಮತ್ತೊಂದು ಕಾರ್ಯಾಚರಣೆಯಲ್ಲಿ ಎಸ್ಟಿಎಫ್ ತಂಡ ಇಬ್ಬರು ಶಸ್ತ್ರಾಸ್ತ್ರ ಮರಾಟಗಾರರನ್ನು ಬಂಧಿಸಿ, ಅವರಿಂದ 7.65 ಎಂಎಂ ಶಸ್ತ್ರಾಸ್ತಗಳ 50 ಸುತ್ತು ಗುಂಡುಗಳು, ₹49 ಸಾವಿರ ನಗದನ್ನು ವಶಪಡಿಸಿಕೊಂಡಿದೆ ಎಂದು ಹೇಳಿದೆ.