‘ಇದರಲ್ಲಿ ಉನ್ನತ ಹುದ್ದೆಯಾಗಿರುವ ಸಹಾಯಕ ಎಂಜಿನಿಯರ್ ಮಟ್ಟದ ಹುದ್ದೆಗಳು ಒಟ್ಟು ಹುದ್ದೆಗಳ ಪೈಕಿ ಶೇ 36ರಷ್ಟು ಮಾತ್ರ ಇವೆ. ಇನ್ನುಳಿದ ಶೇ 64 ಹುದ್ದೆಗಳು ಫೀಡರ್ ಮಟ್ಟದವು ಹಾಗೂ ಕಿರಿಯ ಎಂಜಿನಿಯರ್ ಮಟ್ಟದ್ದಾಗಿವೆ. ಅಂದರೆ, ಕೆಳಹಂತದ ಎಂಜಿನಿಯರ್ ಹುದ್ದೆಗಳೇ ಹೆಚ್ಚಿನ ಸಂಖ್ಯೆಯಲ್ಲಿವೆ. ಕಿರಿಯ ಎಂಜಿನಿಯರ್ನಂಥ ಕೆಳಹುದ್ದೆಗೆ ಉನ್ನತ ಪದವೀಧರರನ್ನು ಉದ್ದೇಶಪೂರ್ವಕವಾಗಿಯೇ ಪರಿಗಣಿಸದಿರುವ ನಿಯಮ ತಯಾರಕರ ಮನಸ್ಥಿತಿಯನ್ನು ಇದು ತೋರಿಸುತ್ತದೆ’ ಎಂದೂ ನ್ಯಾಯಪೀಠವು ಅಭಿಪ್ರಾಯಪಟ್ಟಿದೆ.