ದೇಶದಲ್ಲಿ 94.50 ಕೋಟಿ ಮತದಾರರು: ಕೇಂದ್ರ ಸರ್ಕಾರ

ಚುನಾವಣಾ ಆಯೋಗದ ದತ್ತಾಂಶವನ್ನು ಉಲ್ಲೇಖಿಸಿ ಕೇಂದ್ರ ಸರ್ಕಾರ ರಾಜ್ಯಸಭೆಗೆ ಈ ಮಾಹಿತಿ ನೀಡಿದೆ.

ಈ ಬಗ್ಗೆ ಕೇಳಲಾದ ಪ್ರಶ್ನೆಯೊಂ‌ದಕ್ಕೆ ಲಿಖಿತ ಉತ್ತರ ನೀಡಿದ ಕೇಂದ್ರ ಕಾನೂನು ಸಚಿವ ಕಿರಣ್‌ ರಿಜಿಜು, ‘ಭಾರತೀಯ ಚುನಾವಣಾ ಆಯೋಗದ ಪ್ರಕಾರ, 2023ರ ಜನವರಿ 1ರ ವೇಳೆಗೆ ಮತದಾರರ ಪಟ್ಟಿಯಲ್ಲಿ 94,50,25,694 ಮಂದಿ ನೋಂದಣಿ ಮಾಡಿಕೊಂಡಿದ್ದಾರೆ‘ ಎಂದು ಹೇಳಿದ್ದಾರೆ.

1951ರಲ್ಲಿ ಸುಮಾರು 17.32 ಕೋಟಿ ಮತದಾರರು ಇದ್ದರು. 1957ಕ್ಕೆ ಇದು 19.37 ಕೋಟಿಗೆ ಏರಿಕೆಯಾಗಿತ್ತು. 2019ರ ಲೋಕಸಭೆ ಚುನಾವಣೆ ವೇಳೆ 91.20 ಮತದಾರರು ಇದ್ದರು.