ಎಲ್‌ಎಸಿಯುದ್ದಕ್ಕೂ ಶಾಂತಿ ಕಾಪಾಡುವ ಉದ್ದೇಶದಿಂದ 1993ರಲ್ಲಿ ಮಾಡಿಕೊಂಡ ಒಪ್ಪಂದ, ಗಡಿ ವಿವಾದಕ್ಕೆ ಸಂಬಂಧಿಸಿದಂತೆ 2005ರಲ್ಲಿ ಮಾಡಿಕೊಂಡ ಒಪ್ಪಂದವನ್ನು ಉಲ್ಲೇಖಿಸಿದ ಶ್ರೀವಾಸ್ತವ, ಎಲ್‌ಎಸಿ ಕುರಿತು ಸಮಾನವಾದ ಒಡಂಬಡಿಕೆಗೆ ಬರಲು ಎರಡೂ ರಾಷ್ಟ್ರಗಳು ಬದ್ಧತೆ ಪ್ರದರ್ಶಿಸಿದ್ದವು ಎಂದರು. ‘ಇಂಥ ಸಂದರ್ಭದಲ್ಲಿ ಚೀನಾ ಒಂದೇ ಎಲ್‌ಎಸಿ ಎನ್ನುತ್ತಿರುವುದು, ಈ ಒಪ್ಪಂದಗಳಲ್ಲಿ ಚೀನಾದ ಬದ್ಧತೆಗೆ ವಿರುದ್ಧವಾಗಿದೆ. ಭಾರತ ಎಲ್‌ಎಸಿಯನ್ನು ಗೌರವಿಸುತ್ತಾ ಬಂದಿದೆ ಹಾಗೂ ಇದಕ್ಕೆ ಬದ್ಧವಾಗಿದೆ’ ಎಂದು ಶ್ರೀವಾಸ್ತವ ತಿಳಿಸಿದರು.
