ಕೊಲಂಬೊ: ಕೋವಿಡ್ ಕಾರಣದಿಂದಾಗಿ ಸ್ಥಗಿತಗೊಂಡಿದ್ದ ಚೆನ್ನೈ ಮತ್ತು ಶ್ರೀಲಂಕಾದ ಜಾಫ್ನಾ ನಡುವಿನ ವಿಮಾನ ಸಂಚಾರ ಮತ್ತೆ ಆರಂಭಗೊಂಡಿದೆ.
ಮೊದಲ ವಿಮಾನವು ಜಾಫ್ನಾ ಅಂತರರಾಷ್ಟ್ರೀಯ ವಿಮಾನನಿಲ್ದಾಣದಲ್ಲಿ ಸೋಮವಾರ ಬೆಳಿಗ್ಗೆ ಇಳಿದಿದೆ ಎಂದು ಶ್ರೀಲಂಕಾದ ವಿಮಾನ ನಿಲ್ದಾಣ ಮತ್ತು ವಿಮಾನಯಾನ ಸೇವೆಗಳ ಅಧ್ಯಕ್ಷ ಉಪುಲ್ ಧರ್ಮದಾಸ ಹೇಳಿದ್ದಾರೆ.
ಅಲಯನ್ಸ್ ಏರ್ ವಿಮಾನವು ಜಾಫ್ನಾ ವಿಮಾನ ನಿಲ್ದಾಣದಲ್ಲಿ ಇಳಿದಾಗ ಅದರಲ್ಲಿದ್ದ 14 ಮಂದಿ ಆಯ್ದ ಪ್ರಯಾಣಿಕರನ್ನು ಸ್ವಾಗತಿಸಲಾಯಿತು ಎಂದು ವಿಮಾನನಿಲ್ದಾಣದ ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಎರಡು ನಗರಗಳ ನಡುವೆ ಅಲಯನ್ಸ್ ಏರ್ ವಿಮಾನವು ವಾರದಲ್ಲಿ ನಾಲ್ಕು ಬಾರಿ ಸಂಚಾರಿಸಲಿದೆ ಎಂದೂ ವಿವರಿಸಿದ್ದಾರೆ.