ಬಾಲಾಸೋರ್, ಒಡಿಶಾ: ನೌಕಾ ಸ್ಫೋಟಕ ಬೆಂಬಲಿತ ಸೂಪರ್‌ಸಾನಿಕ್ ಕ್ಷಿಪಣಿಯನ್ನು (ಎಸ್‌ಎಂಎಟಿ) ಇಲ್ಲಿನ ಕರಾವಳಿಯ ಅಬ್ದುಲ್‌ ಕಲಾಂ ದ್ವೀಪದಿಂದ ಯಶಸ್ವಿಯಾಗಿ ಉಡಾವಣೆ ಮಾಡಲಾಯಿತು.
ಉಡಾವಣೆಯ ಸಂದರ್ಭದಲ್ಲಿ ಈ ಕ್ಷಿಪಣಿಯ ಪೂರ್ಣ ಸಾಮರ್ಥ್ಯದ ಪ್ರಾತ್ಯಕ್ಷಿಕೆಯೂ ನಡೆಯಿತು ಎಂದು ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆಯು (ಡಿಆರ್‌ಡಿಒ) ತಿಳಿಸಿದೆ.
ಜಲಾಂತರ್ಗಾಮಿ ಯುದ್ಧನೌಕೆಯ ಸಾಮರ್ಥ್ಯ ವೃದ್ಧಿಗೆ ಪೂರಕ ವ್ಯವಸ್ಥೆಯನ್ನು ಎಸ್‌ಎಂಎಟಿಯಲ್ಲಿ ಅಳವಡಿಸಲಾಗಿದೆ.ಉಡಾವಣೆ ಸಂದರ್ಭದಲ್ಲಿ ಕ್ಷಿಪಣಿಯ ಮೇಲ್ವಿಚಾರಣೆಯನ್ನು ಎಲೆಕ್ಟ್ರೋ ಆಪ್ಟಿಕ್ ಟೆಲಿಮೆಟ್ರಿ ವ್ಯವಸ್ಥೆ, ರಾಡಾರ್‌ ಬಳಸಿ ನಡೆಸಲಾಯಿತು ಎಂದು ತಿಳಿಸಿದೆ.
ಕ್ಷಿಪಣಿಯು ನೌಕಾಸ್ಫೋಟಕ ಹೊಂದಿದ್ದು, ಪ್ಯಾರಾಚೂಟ್‌ ಮತ್ತು ಸ್ಫೋಟಕ ಬಿಡುಗಡೆ ಮಾಡುವ ವ್ಯವಸ್ಥೆಯನ್ನು ಒಳಗೊಂಡಿದೆ ಎಂದು ಡಿಆರ್‌ಡಿಒ ಹೇಳಿಕೆ ನೀಡಿದೆ.
