ಲಸಿಕೆ ಕೊಡುವುದರಲ್ಲಿ ದೇಶವಲ್ಲ, ಯಾವುದೇ ಖಂಡಕ್ಕಿಂತಲೂ ಮುಂದಿದೆ ಭಾರತ 

ದೇಶದಲ್ಲಿ 100 ಕೋಟಿ ಲಸಿಕೆಗಳನ್ನು ಈ ವರೆಗೆ ನೀಡಲಾಗಿದೆ. ಭಾರತವು ಅತಿ ವೇಗವಾಗಿ ಲಸಿಕೆ ನೀಡುತ್ತಿದೆ ಎಂಬುದನ್ನು ತೋರಿಸಲು ಸರ್ಕಾರವು ಜಗತ್ತಿನ ಅಂಕಿ ಸಂಖ್ಯೆಗಳನ್ನು ಬಿಡುಗಡೆ ಮಾಡಿದೆ. ಭಾರತವು ಯಾವುದೇ ಖಂಡಕ್ಕಿಂತಲೂ ಹೆಚ್ಚು ವೇಗವಾಗಿ ಲಸಿಕೆ ಹಾಕುತ್ತಿದೆ ಎಂದು ಸರ್ಕಾರ ತಿಳಿಸಿದೆ.

ಸರ್ಕಾರದ ಮಾಹಿತಿ ಪ್ರಕಾರ ಭಾರತವು ದಿನಂಪ್ರತಿ ಸರಾಸರಿ30.07 ಲಕ್ಷ ಡೋಸ್‌ಗಳನ್ನು ನೀಡುತ್ತಿದೆ.ದಕ್ಷಿಣ ಅಮೆರಿಕವು ನಿತ್ಯ 20.23 ಲಕ್ಷ ಡೋಸ್‌ಗಳನ್ನು ನೀಡುತ್ತಿದೆ. ಉತ್ತರ ಅಮೆರಿಕದಲ್ಲಿ, ಆಫ್ರಿಕಾದಲ್ಲಿ ಕ್ರಮವಾಗಿ 18.49 ಲಕ್ಷ ಮತ್ತು 12.68 ಲಕ್ಷ ಡೋಸ್‌ಗಳನ್ನು ನೀಡಲಾಗುತ್ತಿದೆ. ಆಸ್ಟ್ರೇಲಿಯಾ ಖಂಡದಲ್ಲಿ 3.33 ಲಕ್ಷ ಲಸಿಕೆಗಳನ್ನು ಕೊಡಲಾಗುತ್ತಿದೆ ಎಂದು ಸರ್ಕಾರ ಮಾಹಿತಿ ನೀಡಿದೆ.