ಫ್ಯಾಷನ್ ಗೋಲ್ಡ್ ಜ್ಯುಯೆಲ್ಲರಿ ಅಧ್ಯಕ್ಷನಾಗಿರುವ ಕಮರುದ್ದೀನ್, ‘ಇದು ರಾಜಕೀಯ ಪ್ರೇರಿತ ಬಂಧನ’ ಎಂದು ಆರೋಪಿಸಿದ್ದಾರೆ. ‘ಇದು ರಾಜಕೀಯ ಪ್ರೇರಿತ ಪ್ರಕರಣವಾಗಿದ್ದು, ಸೋಮವಾರ ಈ ಕುರಿತ ವಿಚಾರಣೆ ಹೈಕೋರ್ಟ್ನಲ್ಲಿ ನಡೆಯಲಿದೆ. ಬಂಧನದ ಮುಂಚಿತವಾಗಿ ನನಗೆ ಯಾವುದೇ ನೋಟಿಸ್ ನೀಡಿರಲಿಲ್ಲ. ಸರ್ಕಾರವು ನನ್ನನ್ನು ಬಂಧಿಸಿ, ಅವರ ತಪ್ಪುಗಳನ್ನು ಮುಚ್ಚಿಕೊಳ್ಳಲು ನೋಡುತ್ತಿದೆ’ ಎಂದು ಟೀಕಿಸಿದ್ದಾರೆ. ಐಯುಎಂಎಲ್ ಜಿಲ್ಲಾ ಮುಖಂಡ, ಫ್ಯಾಷನ್ ಜ್ಯುಯೆಲ್ಲರಿ ವ್ಯವಸ್ಥಾಪಕ ನಿರ್ದೇಶಕ ಟಿ.ಕೆ.ಪೂಕೊಯ ಅವರನ್ನು ಕಾಸರಗೋಡು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳ ಕಚೇರಿಗೆ ಕರೆಸಿಕೊಳ್ಳಲಾಗಿತ್ತು.