ಕಾರ್ಯ ಹೇಗೆ: ಮಹಿಳೆಯರು ಈ ಆ್ಯಪ್ ಡೌನ್‌ಲೋಡ್‌ ಮಾಡಿಕೊಳ್ಳಬೇಕು. ಆಟೊ, ಟ್ಯಾಕ್ಸಿ ಹತ್ತುವ ಮುನ್ನ ವಾಹನದಲ್ಲಿರುವ ಕ್ಯೂಆರ್‌ ಕೋಡ್‌ ಸ್ಕ್ಯಾನ್‌ ಮಾಡಬೇಕು. ಈ ಮೂಲಕ ಚಾಲಕರ ಚಿತ್ರ ಸಹಿತ, ವಾಹನದ ಪೂರ್ಣ ಮಾಹಿತಿ ಅವರ ಮೊಬೈಲ್‌ಗೆ ಬರಲಿದೆ. ಪ್ರಯಾಣದ ಸಂದರ್ಭದಲ್ಲಿ ಏನಾದರೂ ತೊಂದರೆ ಆದರೆ, ಆ್ಯಪ್ ಮೂಲಕವೇ ಈ ಮಾಹಿತಿಯನ್ನು ಅವರು ಪೊಲೀಸರಿಗೆ ಕಳುಹಿಸಬಹುದು. ಪೊಲೀಸರು ವಾಹನವನ್ನು ಟ್ರ್ಯಾಕಿಂಗ್‌ ಉಪಕರಣದ ಮುಖಾಂತರ ಪತ್ತೆ ಹಚ್ಚಲಿದ್ದಾರೆ. ಸ್ಮಾರ್ಟ್‌ಫೋನ್‌ ಇಲ್ಲದೇ ಇರುವ ಮಹಿಳೆಯರು, ವಾಹನದೊಳಗೆ ಇರುವ ಉಪಕರಣಕ್ಕೆ ಜೋಡಣೆ ಆಗಿರುವ ಪ್ಯಾನಿಕ್‌ಬಟನ್‌ ಒತ್ತಬಹುದು. ಈ ಮಾಹಿತಿ ನೇರವಾಗಿ ಪೊಲೀಸ್‌ ಠಾಣೆಗೆ ಹೋಗಲಿದೆ.
