ಭೋಪಾಲ್: ಮಧ್ಯಪ್ರದೇಶದ ಕಾಂಗ್ರೆಸ್ ನಾಯಕ ಹಾಗೂ ಮಾಜಿ ಮುಖ್ಯಮಂತ್ರಿ ಕಮಲ್ ನಾಥ್ ಅವರು ತಮ್ಮ ಜನ್ಮದಿನದಂದು ಕೇಕ್ ಕತ್ತರಿಸಿರುವುದು ವಿವಾದಕ್ಕೆ ಕಾರಣವಾಗಿದೆ.
ಕಮಲ್ ನಾಥ್ ಅವರು ತಮ್ಮ ಹುಟ್ಟುಹಬ್ಬದಂದು ದೇವಸ್ಥಾನದ ಆಕಾರದಲ್ಲಿರುವ, ಹನುಮಂತನ ಚಿತ್ರವಿರುವ ಕೇಕ್ ಕತ್ತರಿಸಿದ್ದರು. ಇದರಲ್ಲಿ ವಿವಿಧ ಧರ್ಮಗಳಧಾರ್ಮಿಕ ಚಿಹ್ನೆಗಳಿದ್ದವು. ಈ ಘಟನೆ ವಿವಾದಕ್ಕೀಡಾಗಿದೆ.
ಕಮಲ್ ನಾಥ್ ಅವರ ಈ ವರ್ತನೆ ಹಿಂದೂಗಳಿಗೆ ಮಾಡಿದ ಅವಮಾನ ಎಂದು ಬಿಜೆಪಿ ಟೀಕಿಸಿದೆ.ಕಮಲ್ ನಾಥ್ ಮತ್ತು ಕಾಂಗ್ರೆಸ್ ಪಕ್ಷದವರು ನಕಲಿ ದೈವಭಕ್ತರು. ಅವರು ಈ ಹಿಂದೆ ರಾಮಮಂದಿರ ನಿರ್ಮಾಣವನ್ನು ವಿರೋಧಿಸಿದ್ದರು. ಹಿಂದೂ ಧರ್ಮಕ್ಕೆ ಅವಮಾನ ಮಾಡಿದ್ದಾರೆ ಎಂದು ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್ ಟೀಕಿಸಿದ್ದಾರೆ.
ಕಮಲ್‌ನಾಥ್‌ ಅವರು ತಮ್ಮ ಸ್ವಂತ ಊರಿನಲ್ಲಿ ಕೇಕ್ ಕಟ್‌ ಮಾಡಿದ್ದರು.
