ಶನಿವಾರ, ಜುಲೈ 24, 2021
25 °C

ಬ್ಲಾಕ್‌ಚೇನ್‌ ಟೆಕ್ನಾಲಜಿ ಕುರಿತು ಆನ್‌ಲೈನ್‌ನಲ್ಲಿ ಉಚಿತ ಕೋರ್ಸ್‌

ಪಿಟಿಐ Updated:

ಅಕ್ಷರ ಗಾತ್ರ : | |

ಆನ್‌ಲೈನ್‌ ಕಲಿಕೆ– ‍ಪ್ರಾತಿನಿಧಿಕ ಚಿತ್ರ

ತಿರುವನಂತಪುರಂ: ಆಧುನಿಕ ತಂತ್ರಜ್ಞಾನಗಳ ಬಗ್ಗೆ ತಾಂತ್ರಿಕೇತರ ಹಿನ್ನೆಲೆಯ ವಿದ್ಯಾರ್ಥಿಗಳಿಗೂ ಅರಿವು ಮೂಡಿಸುವ ಉದ್ದೇಶದಿಂದ ಬ್ಲಾಕ್‌ಚೇನ್‌ ಟೆಕ್ನಾಲಜಿ ಕುರಿತು (ವ್ಯವಸ್ಥಿತವಾಗಿ ಮಾಹಿತಿ ಸಂಗ್ರಹಿಸುವ ಕ್ರಮ) ಉಚಿತವಾಗಿ ಕೋರ್ಸ್‌ ಆಯೋಜಿಸಲು ಇಲ್ಲಿನ ಡಿಜಿಟಲ್‌ ಯೂನಿವರ್ಸಿಟಿ (ಡಿಯುಕೆ) ನಿರ್ಧರಿಸಿದೆ.

ಆನ್‌ಲೈನ್ ಕೋರ್ಸ್‌ ಅನ್ನು ಕೇರಳ ಬ್ಲಾಕ್‌ಚೇನ್‌ ಅಕಾಡೆಮಿ (ಕೆಬಿಎ) ಮತ್ತು ಕೇರಳ ನವೀನ ಮತ್ತು ಕಾರ್ಯತಂತ್ರ ಅಭಿವೃದ್ಧಿ ಮಂಡಳಿ (ಕೆ–ಡಿಸ್ಕ್) ಸಹಯೋಗದಲ್ಲಿ ನಡೆಸಲಾಗುತ್ತದೆ. ಶಾಲಾ ಹಂತದಿಂದ ಪದವಿವರೆಗಿನ ವಿವಿಧ ವಿದ್ಯಾರ್ಥಿಗಳಿಗೆ ಇದರ ಸದುಪಯೋಗವಾಗಲಿದೆ ಎಂದು ಹೇಳಿಕೆಯು ತಿಳಿಸಿದೆ.

ಎಂಜಿನಿಯರಿಂಗ್, ವಿಜ್ಞಾನ, ಕಲೆ ಸೇರಿದಂತೆ ವಿವಿಧ ನಿಕಾಯಗಳ ಹಾಗೂ ತಾಂತ್ರಿಕ ಮತ್ತು ತಾಂತ್ರಿಕೇತರ ವಿದ್ಯಾರ್ಥಿಗಳಿಗೂ ಸುಲಭವಾಗಿ ಅರ್ಥವಾಗುವಂತೆ ಒಟ್ಟು 30 ಗಂಟೆ ಅವಧಿಯ ಈ ಕೋರ್ಸ್‌ ಅನ್ನು ರೂಪಿಸಲಾಗಿದೆ ಎಂದು ಡಿಯುಕೆಯ ಡೀನ್‌ ಡಾ.ಅಶ್ರಫ್‌ ಅವರು ತಿಳಿಸಿದ್ದಾರೆ.

ಫೌಂಡೇಷನ್ ಕೋರ್ಸ್‌ಗೆ ನೋಂದಣಿ ಪ್ರಕ್ರಿಯೆ ಜುಲೈ 19ರಂದು ಆರಂಭವಾಗಲಿದೆ. ಆಸಕ್ತರು ಮಾಹಿತಿಗೆ ವೆಬ್‌ಸೈಟ್ (http://prajna.duk.ac.in) ಸಂಪರ್ಕಿಸಬಹುದು ಎಂದು ಕೋರಲಾಗಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು