ಮೇ 10ರಂದು ಎರ್ನಾಕುಳಂನ ವೆನ್ನೆಲ ದೇವಸ್ಥಾನ ಉತ್ಸವಕ್ಕೆ ಸಂಬಂಧಿಸಿದಂತೆ ಪಿ.ಸಿ.ಜಾರ್ಜ್ ಅವರು ಆಕ್ಷೇಪಾರ್ಹ ಹೇಳಿಕೆ ನೀಡಿದ್ದರು. ಈ ಹಿನ್ನೆಲೆಯಲ್ಲಿ ಪೊಲೀಸರು ಜಾರ್ಜ್ ಅವರ ವಿರುದ್ಧ ಸೆಕ್ಷನ್ 153 (ವಿಭಿನ್ನ ಗುಂಪುಗಳ ನಡುವೆ ದ್ವೇಷ ಭಾವನೆ ಬಿತ್ತುವುದು) ಹಾಗೂ 295 ಎ ಅಡಿ (ಉದ್ಧೇಶಪೂರ್ವಕವಾಗಿ ಮತ್ತು ದುರುದ್ದೇಶದಿಂದಪೂರಿತವಾಗಿ ಒಂದು ಧರ್ಮದ ಧಾರ್ಮಿಕ ನಂಬಿಕೆಗಳು ಹಾಗೂ ಧಾರ್ಮಿಕ ಭಾವನೆಗಳ ಮೇಲೆ ಅವಹೇಳನ ಮಾಡುವುದು) ಪ್ರಕರಣ ದಾಖಲಿಸಿದ್ದರು.