ಮಹಾರಾಷ್ಟ್ರ | ನಾಲ್ವರು ನಕ್ಸಲರು ಶರಣು: ₹ 22 ಲಕ್ಷ ಬಹುಮಾನ ಪ್ಯಾಕೇಜ್ ಘೋಷಣೆ

ಇವರನ್ನು ಹಿಡಿದುಕೊಟ್ಟವರಿಗೆ₹ 22 ಲಕ್ಷ ಬಹುಮಾನ ಘೋಷಿಸಲಾಗಿತ್ತು.

ಶರಣಾದ ನಕ್ಸಲರನ್ನು ಭಮ್ರಘಡ್‌ ಪ್ರದೇಶದ ಕಮಾಂಡರ್ ಅಗಿದ್ದ ದಿನೇಶ್ ಅಲಿಯಾಸ್ ದಯಾರಾಮ್ ನೈತಂ (28), ಸೆಕ್ಷನ್ 9ರ ಡೆಪ್ಯುಟಿ ಕಮಾಂಡರ್ ನಕುಲ್ ಅಲಿಯಾಸ್ ಸುಖ್‌ಲುರಾಮ್ ಮಾದ್ವಿ (35) ಮತ್ತು ಆತನ ಪತ್ನಿ, ಕಸನ್ಸೂರ್ ದಳಂನ ಭಾಗವಾಗಿದ್ದ ನೀಲಾ ಕುಮ್ರೆ (34) ಹಾಗೂ ಶರದ್ ಅಲಿಯಾಸ್ ರಮೇಶ್ ಆಟ್ಲಾ (26) ಎಂದು ಗುರುತಿಸಲಾಗಿದೆ.

ಶರಣಾದ ನಕ್ಸಲರು ಪೊಲೀಸರೊಂದಿಗೆ ನಡೆದ ಹಲವು ಎನ್‌ಕೌಂಟರ್‌ಗಳಲ್ಲಿ ಭಾಗಿಯಾಗಿದ್ದರು. ಅಲ್ಲದೆ, ಇವರ ವಿರುದ್ಧ ಅನೇಕ ಕೊಲೆಯಂತಹ ಗಂಭೀರ ಪ್ರಕರಣಗಳೂ ದಾಖಲಾಗಿವೆ.

ಗಡ್ಚಿರೋಲಿಯಲ್ಲಿ 2019ರಿಂದ 2021ರ ಅವಧಿಯಲ್ಲಿ 37 ನಕ್ಸಲರು ಶರಣಾಗಿದ್ದಾರೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.