‘ನಸೀಮ್ ಹಾಗೂ ಅವರ ಫೀರೋಜ್ ಖುರೇಷಿ ಮಂಗಳವಾರ ಸಂಬಂಧಿಕರ ಮನೆಗೆ ತೆರಳುತ್ತಿದ್ದರು. ಮಸೀದಿಯೊಂದರ ಬಳಿ ಅವರನ್ನು ಗುಂಪೊಂದು ಸುತ್ತುವರಿಯಿತು. ಈ ವೇಳೆ ಮಾತಿನ ಚಕಮಕಿ ನಡೆಯಿತು. ಫೀರೋಜ್ ಅವರು ಹೇಗೋ ತಪ್ಪಿಸಿಕೊಂಡು ಓಡಿದರು. ಆದರೆ, ನಸೀಮ್ ಅವರನ್ನು ಸ್ಥಳೀಯರು ಕೋಲುಗಳಿಂದ ಥಳಿಸಿದರು. ತೀವ್ರವಾಗಿ ಗಾಯಗೊಂಡ ನಸೀಮ್ ಅವರನ್ನು ಗುಂಪು ಹತ್ತಿರದ ಪೊಲೀಸ್ ಠಾಣೆಗೆ ಕರೆದೊಯ್ಯಿತು. ಅಲ್ಲಿಂದ ಚಿಕಿತ್ಸೆಗಾಗಿ ಸರ್ಕಾರಿ ಆಸ್ಪತ್ರೆಗೆ ಕರೆದೊಯ್ಯುವ ಮಾರ್ಗ ಮಧ್ಯದಲ್ಲಿ ನಸೀಮ್ ಮೃತಪಟ್ಟರು’ ಎಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಗೌರವ್ ಮಾಂಗ್ಲಾ ಮಾಹಿತಿ ನೀಡಿದರು.