ಇದೇ ಜುಲೈ 29ರಂದು ಹೊರಡಿಸಲಾದ ಅಧಿಸೂಚನೆಯಲ್ಲಿ ಅಖಿಲ ಭಾರತ ನೀಟ್ ಯುಜಿಯ ಶೇ 15ರಷ್ಟು ಸೀಟುಗಳಲ್ಲಿ ಹಾಗೂ ನೀಟ್ ಪಿಜಿಯ ಶೇ 50ರಷ್ಟು ಸೀಟುಗಳಲ್ಲಿ ಒಬಿಸಿಗೆ ಶೇ 27ರಷ್ಟು ಮತ್ತು ಇಡಬ್ಲ್ಯುಎಸ್ಗೆ ಶೇ 10ರಷ್ಟು ಮೀಸಲಾತಿ ಪ್ರಕಟಿಸಲಾಗಿತ್ತು. ಇಡಬ್ಲ್ಯುಎಸ್ಗೆ ನೀಡಲಾದ ವಾರ್ಷಿಕ ವರಮಾನ ಮಿತಿ ₹ 8 ಲಕ್ಷ, ಅವರಿಗೆ ಮೀಸಲಾತಿ ಸೌಲಭ್ಯ ಸಿಗುತ್ತದೆ, ಆದರೆ ಒಬಿಸಿಯಲ್ಲಿ ₹8 ಲಕ್ಷ ಆದಾಯವನ್ನು ಕೆನೆಪದರ ಎಂದು ಗುರುತಿಸಿ ಮೀಸಲಾತಿ ಸೌಲಭ್ಯದಿಂದ ಹೊರಗಿಡಲಾಗಿದೆ. ಇದುವೇ ವಿವಾದದ ಮೂಲವಾಗಿದೆ.