ತಿರುವನಂತಪುರಂ: ಕೇರಳದಲ್ಲಿ ನಿಷೇಧಿತ ಪಿಎಫ್‌ಐ ಸಂಘಟನೆಯ ಎರಡನೇ ಹಂತದ ಮುಖಂಡರ ಮನೆಗಳು ಸೇರಿದಂತೆ ಹಲವು ಸ್ಥಳಗಳ ಮೇಲೆ ರಾಷ್ಟ್ರೀಯ ತನಿಖಾ ದಳ (ಎನ್‌ಐಎ) ದಾಳಿ ನಡೆಸಿದೆ.
ದಾಳಿಯು ಬುಧವಾರ ತಡರಾತ್ರಿಯಿಂದ ಆರಂಭಗೊಂಡಿದ್ದು, ಗುರುವಾರವೂ ಮುಂದುವರಿದೆ ಎಂದು ಕೇರಳ ಪೊಲೀಸ್‌ ಮೂಲಗಳು ತಿಳಿಸಿವೆ.
ರಾಷ್ಟ್ರದಲ್ಲಿ ಉಗ್ರ ಕೃತ್ಯಗಳಿಗೆ ಬೆಂಬಲಿಸಲಾಗುತ್ತಿದೆ ಎಂಬ ಆರೋಪಕ್ಕೆ ಸಂಬಂಧಿಸಿ ಕಳೆದ ಸೆಪ್ಟೆಂಬರ್‌ನಲ್ಲಿ ಎನ್‌ಐಎನ ಹಲವು ತಂಡಗಳು ದೇಶದಾದ್ಯಂತ ದಾಳಿ ನಡೆಸಿದ್ದವು. ಕೇರಳ ಸೇರಿದಂತೆ 15 ರಾಜ್ಯಗಳಲ್ಲಿ ಹಲವು ಪಿಎಫ್‌ಐ ಮುಖಂಡರನ್ನು ಬಂಧಿಸಿತ್ತು. ಇದನ್ನು ಪಿಎಫ್‌ಐ ವಿರುದ್ಧದ ಅತಿದೊಡ್ಡ ತನಿಖಾ ಕಾರ್ಯಾಚರಣೆ ಎನ್ನಲಾಗಿತ್ತು.
