ಹೈದರಾಬಾದ್: ಒಂದು ಕೋಟಿ ಕೋವಿಡ್ ಲಸಿಕೆ ಖರೀದಿಸಲು ಹೊರಡಿಸಿದ ಜಾಗತಿಕ ಟೆಂಡರ್ಗೆ ಸರಬರಾಜುದಾರರಿಂದ ಯಾವುದೇ ಬಿಡ್ಗಳು ಬಂದಿಲ್ಲ ಎಂದು ತೆಲಂಗಾಣ ಸರ್ಕಾರದ ಮೂಲಗಳು ಶುಕ್ರವಾರ ತಿಳಿಸಿವೆ.
ಜಾಗತಿಕ ಟೆಂಡರ್ಗೆ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ ಎಂದು ಅಧಿಕಾರಿಯೊಬ್ಬರು ಪಿಟಿಐಗೆ ತಿಳಿಸಿದ್ದಾರೆ.
ಮೇ 27ರಂದು ನಡೆದ ಬಿಡ್ ಪೂರ್ವ ಸಭೆಯಲ್ಲಿ ‘ಅಸ್ಟ್ರಾಜೆನೆಕಾ’ ಮತ್ತು ‘ಸ್ಪುಟ್ನಿಕ್ ವಿ’ ಪ್ರತಿನಿಧಿಗಳು ಮತ್ತು ಕೆಲವು ವ್ಯಾಪಾರ ಪ್ರತಿನಿಧಿಗಳು ಭಾಗವಹಿಸಿದ್ದರು ಎಂದು ಮೂಲಗಳು ತಿಳಿಸಿವೆ.
ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್) ಹೊರಡಿಸಿದ ಮಾರ್ಗಸೂಚಿಗಳ ಪ್ರಕಾರ,‘ಲಸಿಕೆ ಸರಬರಾಜು ಮತ್ತು ಟೆಂಡರ್ ಸಂಬಂಧಿತ ದಾಖಲೆಗಳು ಸೂಕ್ತವಾಗಿರಬೇಕು ಎಂದು ತೆಲಂಗಾಣ ರಾಜ್ಯ ವೈದ್ಯಕೀಯ ಸೇವೆಗಳು ಮತ್ತು ಮೂಲಸೌಕರ್ಯ ಅಭಿವೃದ್ಧಿ ನಿಗಮಗಳು ತಿಳಿಸಿವೆ.