ರಾಜ್ಯಸಭೆಯಲ್ಲಿ ಈ ಕುರಿತ ಪ್ರಶ್ನೆಗೆ ಪ್ರತಿಕ್ರಿಯೆ ನೀಡಿರುವ ರಕ್ಷಣಾ ಇಲಾಖೆ ರಾಜ್ಯ ಖಾತೆ ಸಚಿವ ಶ್ರೀಪಾದ್ ನಾಯ್ಕ್, ‘ಮಿಲಿಟರಿ ಕ್ಯಾಂಟೀನ್ಗಳಲ್ಲಿ 2017–18ರಲ್ಲಿ ₹17,190 ಕೋಟಿ, 2018–19ರಲ್ಲಿ ₹18,917 ಕೋಟಿ ಹಾಗೂ 2019–20ರಲ್ಲಿ 17,588 ಕೋಟಿ ವಹಿವಾಟು ನಡೆದಿದೆ. 2020–21ನೇ ಆರ್ಥಿಕ ವರ್ಷದಲ್ಲಿ ಆಗಸ್ಟ್ವರೆಗೆ ₹3,692 ಕೋಟಿ ವಹಿವಾಟು ನಡೆದಿದೆ. ಮಿಲಿಟರಿ ಕ್ಯಾಂಟಿನ್ಗಳಲ್ಲಿ ಕೇವಲ ಸ್ವದೇಶಿ ವಸ್ತುಗಳನ್ನೇ ಮಾರಾಟ ಮಾಡಬೇಕು ಎನ್ನುವ ಕುರಿತು ನಿರ್ಧಾರ ತೆಗೆದುಕೊಂಡಿಲ್ಲ’ ಎಂದು ಸ್ಪಷ್ಟಪಡಿಸಿದರು.