ಉತ್ತರಪ್ರದೇಶ: ₹ 3,000 ಕೋಟಿ ವಂಚನೆಯ ಜಾಲ ಭೇದಿಸಿದ ಸೈಬರ್‌ ಪೊಲೀಸರು

ಪ್ರಕರಣಕ್ಕೆ ಸಂಬಂಧಿಸಿ, ಪಶ್ಚಿಮ ಬಂಗಾಳದ ಮಂಜರುಲ್ ಇಸ್ಲಾಂ ಎಂಬಾತನನ್ನು ನೊಯ್ಡಾದಲ್ಲಿ ಬಂಧಿಸಲಾಗಿದೆ ಎಂದು ಬರೇಲಿ ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ (ಸೈಬರ್‌ ಘಟಕ) ತ್ರಿವೇಣಿ ಸಿಂಗ್ ತಿಳಿಸಿದ್ದಾರೆ.

‘ಪ್ರಮುಖ ಸಂಸ್ಥೆಗಳಲ್ಲಿ ಅರೆ ಕಾಲಿಕ ಉದ್ಯೋಗ ಕೊಡಿಸುವುದಾಗಿ ಅಥವಾ ಹೂಡಿಕೆ ಮಾಡಿದ ಹಣವನ್ನು ದ್ವಿಗುಣಗೊಳಿಸುವುದಾಗಿ ಹೇಳಿ ಈ ತಂಡ, ಜನರನ್ನು ವಂಚಿಸುತ್ತಿತ್ತು. ಜನರಿಂದ ಪಡೆದ ಹಣವನ್ನು ಯುಪಿಐ ಐಡಿ ಮುಖಾಂತರಕ್ರಿಪ್ಟೊ ವ್ಯಾಲೆಟ್‌ಗಳಿಗೆ ವರ್ಗಾಯಿಸಲಾಗುತ್ತಿತ್ತು. ಈ ಖಾತೆಗಳನ್ನು ಚೀನಾ, ಮಲೇಷ್ಯಾ, ಫಿಲಿಪ್ಪೀನ್ಸ್ ಹಾಗೂ ವಿಯೆಟ್ನಾಮ್‌ಗಳಲ್ಲಿ ನಿರ್ವಹಿಸಲಾಗುತ್ತಿತ್ತು ’ ಎಂದು ಅವರು ತಿಳಿಸಿದ್ದಾರೆ.