ನವದೆಹಲಿ: ಜನವರಿ 9 ಮತ್ತು 12 ರ ನಡುವೆ ಸಂಸತ್ನ 300 ಕ್ಕೂ ಹೆಚ್ಚು ಸಿಬ್ಬಂದಿಗೆ ಕೋವಿಡ್ ಬಂದಿದೆ ಎಂದು ಮೂಲಗಳು ಮಾಹಿತಿ ನೀಡಿವೆ.
ಇದಕ್ಕೂ ಹಿಂದೆ, 400 ಕ್ಕೂ ಹೆಚ್ಚು ಸಿಬ್ಬಂದಿಗೆ ಸೋಂಕು ತಗುಲಿದ್ದ ವಿಚಾರ ಜನವರಿ 9ರಂದು ಬಹಿರಂಗವಾಗಿತ್ತು.
‘ಇಲ್ಲಿಯವರೆಗೆ ಸಂಸತ್ನ 718 ಸಿಬ್ಬಂದಿ ಸೋಂಕಿಗೆ ಒಳಗಾಗಿದ್ದಾರೆ. ಅದರಲ್ಲಿ 204 ಮಂದಿ ರಾಜ್ಯಸಭಾ ಸಚಿವಾಲಯದವರಾಗಿದ್ದರೆ, ಉಳಿದವರು ಲೋಕಸಭೆಯ ಸಚಿವಾಲಯ ಮತ್ತು ಇತರ ಸಿಬ್ಬಂದಿಗಳಾಗಿದ್ದಾರೆ’ ಎಂದು ಮೂಲಗಳ ಮಾಹಿತಿ ಉಲ್ಲೇಖಿಸಿ ಸುದ್ದಿ ಸಂಸ್ಥೆ ಐಎಎನ್ಎಸ್ ವರದಿ ಮಾಡಿದೆ.