‘ಮಕ್ಕಳಲ್ಲದೇ, ಈ ವರ್ಗದ ಯುವಕರಲ್ಲಿಯೂ ತೂಕ ಹೆಚ್ಚಳ ಸಮಸ್ಯೆ ಕಾಡಬಹುದು. ಮನೆಯಲ್ಲಿಯೇ ಹೆಚ್ಚು ಸಮಯ ಕಳೆಯುವುದರಿಂದ ನಮ್ಕೀನ್, ಬಿಸ್ಕತ್ತುಗಳು, ಬ್ರೆಡ್, ಬನ್ಸ್, ನೂಡಲ್ಸ್, ಐಸ್ಕ್ರೀಂ, ಕುಕೀಸ್, ಕೇಕ್, ಸಕ್ಕರೆಅಂಶ ಇರುವ ಪಾನೀಯಗಳನ್ನು ಪದೇಪದೇ ಸೇವಿಸುತ್ತಾರೆ. ಇಂಥ ಆಹಾರ, ಪಾನೀಯಗಳಲ್ಲಿ ಪಿಷ್ಟ, ಸಕ್ಕರೆ, ಕೊಬ್ಬಿನ ಪ್ರಮಾಣ ಅಧಿಕ. ಇಂಥ ಪದಾರ್ಥಗಳ ಸೇವನೆ ತೂಕದಲ್ಲಿ ಹೆಚ್ಚಳ, ಬೊಜ್ಜಿಗೆ ಕಾರಣವಾಗುತ್ತದೆ’ ಎಂದು ನವದೆಹಲಿ ಮೂಲದ ಸಾರ್ವಜನಿಕ ಆರೋಗ್ಯ, ಪೌಷ್ಟಿಕತೆ ಹಾಗೂ ಅಭಿವೃದ್ಧಿ ಸಂಸ್ಥೆಯ ನಿರ್ದೇಶಕಿ ಡಾ.ಶೈಲಾ ವೀರ್ ಹೇಳುತ್ತಾರೆ.