ಮುಂಬೈ: ಈ ವರ್ಷದ ಮೇ 1ರಂದು ಮುಂಬೈ– ದುರ್ಗಾಪುರ ನಡುವೆ ಸಂಚರಿಸುತ್ತಿದ್ದ ಸ್ಪೈಸ್‌ ಜೆಟ್‌ ವಿಮಾನ ಇಳಿಯುವ ವೇಳೆ ಗಾಳಿಯ ಒತ್ತಡಕ್ಕೆ ಸಿಲುಕಿ ಅಲುಗಾಡಿದ್ದ ಸಂದರ್ಭದಲ್ಲಿ ತೀವ್ರ ಗಾಯಗೊಂಡಿದ್ದ ಅಕ್ಬರ್‌ ಅನ್ಸಾರಿ (48) ಎಂಬುವವರು ಕಳೆದ ತಿಂಗಳು ಮೃತಪಟ್ಟಿದ್ದಾರೆಎಂದು ವಿಮಾನಯಾನ ಸಂಸ್ಥೆತಿಳಿಸಿದೆ.
ಅನ್ಸಾರಿ ಅವರು ಸೆಪ್ಟೆಂಬರ್‌ 26ರಂದು ಮೃತಪಟ್ಟಿದ್ದು ಅದಕ್ಕೂ ಮುನ್ನ ಒಂದು ತಿಂಗಳು ಅವರು ವೆಂಟಿಲೇಟರ್‌ನಲ್ಲಿದ್ದರು ಎಂದು ಅವರ ಕುಟುಂಬದ ಸದಸ್ಯರು ತಿಳಿಸಿದ್ದಾರೆ.
ವಿಮಾನ ಇಳಿಯುವ ವೇಳೆ ತಲ್ಲಣದ ಸ್ಥಿತಿ ಉಂಟಾದ್ದರಿಂದ ಮೂವರು ಕ್ಯಾಬಿನ್‌ ಸಿಬ್ಬಂದಿ ಸೇರಿ 14 ಪ್ರಯಾಣಿಕರು ಗಾಯಗೊಂಡಿದ್ದರು. ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿತ್ತು.
