ಮಹಿಳಾ ಉದ್ಯಮಿಗಳ ಉತ್ಪನ್ನ ಕೊಂಡು ಶುಭಾಶಯ ಕೋರಿದ ಪ್ರಧಾನಿ ಮೋದಿ

ನವದೆಹಲಿ: ಉದ್ಯಮ, ಸೃಜನಶೀಲತೆ ಮತ್ತು ಭಾರತದ ಸಂಸ್ಕೃತಿಯನ್ನು ಪರಿಚಯಿಸುವ ಮಹಿಳಾ ಉದ್ಯಮಿಗಳು ತಯಾರಿಸಿರುವ ಉತ್ಪನ್ನಗಳನ್ನು ಖರೀದಿಸುವ ಮೂಲಕ ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಟ್ವಿಟರ್‌ನಲ್ಲಿ ಮಹಿಳೆಯರಿಗೆ ಅಂತರರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಶುಭ ಕೋರಿದರು.

ಭಾರತವು ‘ಆತ್ಮನಿರ್ಭರ್’ ಆಗುವಲ್ಲಿ ಮಹಿಳೆಯರು ಪ್ರಮುಖ ಪಾತ್ರ ವಹಿಸುತ್ತಿದ್ದಾರೆ ಎಂದು ಟ್ವೀಟ್ ಮಾಡಿರುವ ಮೋದಿ, ಮಹಿಳಾ ಉದ್ಯಮಿಗಳನ್ನು ಉತ್ತೇಜಿಸಲು ಜನರು ಪ್ರೋತ್ಸಾಹಿಸಬೇಕು ಎಂದು ಕರೆ ನೀಡಿದರು.

ಓದಿ: International Women's Day| ಭಾರತದ ನಾರಿಶಕ್ತಿಯನ್ನು ಕೊಂಡಾಡಿದ ಪ್ರಧಾನಿ ಮೋದಿ

ತಾವು ಖರೀದಿಸಿದ ಉತ್ಪನ್ನಗಳ ವಿವರಗಳನ್ನು ಹಂಚಿಕೊಂಡ ಮೋದಿ, ‘ತಮಿಳುನಾಡಿನ ತೋಡಾ ಬುಡಕಟ್ಟಿನ ಕುಶಲಕರ್ಮಿಗಳು ತಯಾರಿಸಿರುವ ಸೊಗಸಾದ ಕೈಕಸೂತಿಯ ಈ ಶಾಲು ಅದ್ಭುತವಾಗಿ ಕಾಣುತ್ತದೆ. ಈ ಉತ್ಪನ್ನವನ್ನು ಟ್ರೈಬ್ಸ್ ಇಂಡಿಯಾ ಮಾರಾಟ ಮಾಡಿದೆ’ ಎಂದು ಹೇಳಿದ್ದಾರೆ.

You have seen me wear the Gamusa very often. It is extremely comfortable. Today, I bought a Gamusa made by various self-help groups of Kakatipapung Development Block. #NariShakti https://t.co/jvHk5YFJof pic.twitter.com/8exa9oli8Z

— Narendra Modi (@narendramodi) March 8, 2021

ಕರಕುಶಲ ಕಲೆಯುಳ್ಳ ಗೋಂಡ್ ಪೇಪರ್ ಕಲಾಕೃತಿ ಮತ್ತು ನಾಗಾ ಶಾಲಿನ ವಿವರ ಹಂಚಿಕೊಂಡಿರುವ ಅವರು, ‘ಬುಡಕಟ್ಟು ಚಿತ್ರಕಲೆ ಅನನ್ಯವಾಗಿದೆ. ನಾಗಾ ಸಂಸ್ಕೃತಿಯ ಈ ಶಾಲು ಧೈರ್ಯ, ಸಾಹಸದ ಪ್ರತೀಕ. ಅಂತೆಯೇ, ಮಹಾತ್ಮ ಗಾಂಧಿ ಅವರಿಗೆ ಅತ್ಯಾಪ್ತವಾಗಿದ್ದ ಖಾದಿ ಹತ್ತಿ ಬಟ್ಟೆಯ ಮಧುಬನಿ ಚಿತ್ರಕಲಾ ಶೈಲಿ ಸ್ಟೋಲ್ ಅನ್ನೂ ಖರೀದಿಸಿದ್ದೇನೆ. ಇದಂತೂ ಉತ್ಕೃಷ್ಟ ಗುಣಮಟ್ಟದ ಉತ್ಪನ್ನ’ ಎಂದೂ ಮೋದಿ ಪ್ರಶಂಸೆ ಮಾಡಿದ್ದಾರೆ.

ಓದಿ: 75ನೇ ಸ್ವಾತಂತ್ರ್ಯೋತ್ಸವ ಆಚರಣೆ: ದೇಶದ ಒಟ್ಟು ಸಾಧನೆ ಬಿಂಬಿಸಲು ಮೋದಿ ಸಲಹೆ

‘ಪಶ್ಚಿಮ ಬಂಗಾಳದ ಸೆಣಬಿನ ಫೈಲ್ ಫೋಲ್ಡರ್ ನಿಮ್ಮ ಮನೆಯಲ್ಲಿ ಇರಲೇಬೇಕಾದ ಉತ್ಪನ್ನ. ಅಂತೆಯೇ ನಾನು ಆಗಾಗ್ಗೆ ಧರಿಸುವ ಗಮುಸಾ ಉಡುಪು ಅತ್ಯಂತ ಆರಾಮದಾಯಕ ಉಡುಗೆ. ಕೇರಳದ ಮಹಿಳೆಯೊಬ್ಬರು ತಯಾರಿಸಿರುವ ಕ್ಲಾಸಿಕ್ ಪಾಮ್ ಕ್ರಾಫ್ಟ್‌ನ ನಿಲವಿಲಕ್ಕು (ಮರದ ಎತ್ತರದ ದೀಪಸ್ತಂಭ)ಗಾಗಿ ನಾನು ಕಾಯುತ್ತಿರುವೆ. ನಾರಿಶಕ್ತಿಯು ಸ್ಥಳೀಯ ಕರಕುಶಲ ವಸ್ತುಗಳನ್ನು ಜನಪ್ರಿಯಗೊಳಿಸಿದೆ’ ಎಂದು ಮೋದಿ ಮೆಚ್ಚುಗೆ ಸೂಚಿಸಿದ್ದಾರೆ.

I am eagerly awaiting to receive Classic Palm Craft Nilavilakku made by women based in Kerala. It is commendable how our #NariShakti has preserved and popularised local crafts and products. https://t.co/GgwSkkLCka pic.twitter.com/x9Xsxi3AEz

— Narendra Modi (@narendramodi) March 8, 2021