‘ಇಂಥ ಪ್ರಕರಣಗಳಲ್ಲಿ ಜಾಮೀನು ನೀಡುವಾಗ ಪ್ರೀತಿಯ ಕಾರಣಕ್ಕಾಗಿ ಹುಟ್ಟಿಕೊಂಡ ಒಪ್ಪಿತ ಸಂಬಂಧಗಳ ಬಗ್ಗೆ ಗಮನ ಹರಿಸಬೇಕು. ಈ ಪ್ರಕರಣಕ್ಕೆ ಸಂಬಂಧಿಸಿ ಹೇಳುವುದಾದರೆ, ಸಂತ್ರಸ್ತೆಯು ಬಾಲಕಿಯಾಗಿರುವುದರಿಂದ ಈ ಪ್ರೇಮ ಸಂಬಂಧಕ್ಕೆ ಆಕೆ ನೀಡಿದ ಒಪ್ಪಿಗೆಯು ಕಾನೂನಿನಡಿ ಸಿಂಧು ಆಗುವುದಿಲ್ಲ. ಆದರೆ, ಬಾಲಕಿಯ ಹೇಳಿಕೆಯನ್ನು ಗಣನೆಗೆ ತೆಗೆದುಕೊಳ್ಳದೆ ಹುಡುಗನನ್ನು ಜೈಲಿಗೆ ಕಳುಹಿಸಿದ್ದರೆ ಅದು ನ್ಯಾಯವನ್ನು ಅಪಹಾಸ್ಯ ಮಾಡಿದಂತೆ ಆಗುತ್ತಿತ್ತು’ ಎಂದು ನ್ಯಾಯಾಲಯ ಹೇಳಿದೆ.