ಹೈದರಾಬಾದ್: ಹೂಡಿಕೆಗೆ ಸಂಬಂಧಿಸಿದ ಆ್ಯಪ್ಗಳನ್ನು ಬಳಸಿ ₹ 903 ಕೋಟಿ ವಂಚಿಸಿದ ಪ್ರಕರಣವನ್ನು ಪತ್ತೆ ಹಚ್ಚಿ, ಚೀನಾ ಪ್ರಜೆ ಸೇರಿ 10 ಜನರನ್ನು ಬಂಧಿಸಲಾಗಿದೆ ಎಂದು ಹೈದರಾಬಾದ್ ನಗರ ಪೊಲೀಸರು ಬುಧವಾರ ಹೇಳಿದ್ದಾರೆ.
‘ಹೈದರಾಬಾದ್ ನಗರ ಸೈಬರ್ ಕ್ರೈಂ ವಿಭಾಗವು ಈ ಹೂಡಿಕೆ ವಂಚನೆ ಪ್ರಕರಣವನ್ನು ಭೇದಿಸಿದೆ’ ಎಂದು ಪೊಲೀಸ್ ಆಯುಕ್ತ ಸಿ.ವಿ.ಆನಂದ್ ಸುದ್ದಿಗಾರರಿಗೆ ತಿಳಿಸಿದರು.
‘ಪ್ರಕರಣ ಗಂಭೀರ ಸ್ವರೂಪದ್ದಾಗಿದೆ. ಹಾಗಾಗಿ, ನಗರ ಪೊಲೀಸರು ಇ.ಡಿ ಮತ್ತು ಡಿಆರ್ಐನ ಸಮನ್ವಯದೊಂದಿಗೆ ತನಿಖೆ ನಡೆಸುವರು’ ಎಂದರು.