ಕಣ್ಣೂರು (ಕೇರಳ): ಸಾಂಪ್ರದಾಯಿಕ ಮಾಪಿಲ ಹಾಡುಗಳ ಸುಶ್ರಾವ್ಯ ಗಾಯನಕ್ಕೆ ಪ್ರಸಿದ್ಧಿಯಾಗಿದ್ದ ಖ್ಯಾತ 'ಮಾಪಿಲಪಾಟ್ಟು' ಕಲಾವಿದ ಪೀರ್ ಮೊಹಮ್ಮದ್ (78) ವಯೋಸಹಜ ಅನಾರೋಗ್ಯದಿಂದ ಮಂಗಳವಾರ ಇಲ್ಲಿನ ಮುಝುಪ್ಪಿಲಂಗಾಡ್‌ನ ಸ್ವಗೃಹದಲ್ಲಿ ನಿಧನರಾಗಿದ್ದಾರೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ.
ಅವರಿಗೆ ಪತ್ನಿ ರಹಾನಾ ಮತ್ತು ನಾಲ್ವರು ಮಕ್ಕಳಿದ್ದಾರೆ.ಮೊಹಮ್ಮದ್ ಅವರು ಕೆಲವು ದಿನಗಳಿಂದ ವಿವಿಧ ಆರೋಗ್ಯ ಸಮಸ್ಯೆಗಳಿಗೆ ಚಿಕಿತ್ಸೆ ಪಡೆಯುತ್ತಿದ್ದರು.
ತಮ್ಮ ವಿಶಿಷ್ಟ ಗಾಯನ ಶೈಲಿ ಮತ್ತು ಅಪರೂಪದ ಧ್ವನಿಯಿಂದದಶಕಗಳ ಕಾಲ ಸಂಗೀತಾಸಕ್ತರನ್ನು ಮಂತ್ರಮುಗ್ಧರನ್ನಾಗಿಸಿದ್ದ ಮೊಹಮ್ಮದ್ ಅವರು 4 ಸಾವಿರಕ್ಕೂ ಅಧಿಕ ಅದ್ಭುತವಾದ ಮಾಪಿಲ ಗೀತೆಗಳನ್ನು ಹಾಡಿದ್ದಾರೆ.
