ಗಣರಾಜ್ಯೋತ್ಸವ ಪರೇಡ್‌ ಪಥ ಸಂಚಲನ; ಸೈನಿಕ ತುಕಡಿಯಲ್ಲಿ ಕಡಿತ

ಆದರೆ, ಕೋವಿಡ್-19 ಮಾನದಂಡಗಳು ಕಟ್ಟುನಿಟ್ಟಿನಿಂದ ಪಾಲನೆಯಾಗಲಿರುವುದರಿಂದ ಪಥ ಸಂಚಲನ ಹಾಗೂ ಸೈನಿಕ ಪಡೆಯಲ್ಲಿ ಕಡಿತವುಂಟಾಗಲಿದೆ.

ಹಾಗಾಗಿ ಈ ಬಾರಿ ಪ್ರೇಕ್ಷಕರಿಗೆ ಗಣರಾಜ್ಯೋತ್ಸವ ಪಥಸಂಚಲನದ ಸಂಪೂರ್ಣ ವೈಭವ ಹಾಗೂ ಮನರಂಜನೆಯನ್ನು ಸವಿಯಲು ಸಾಧ್ಯವಿಲ್ಲ. ಪಥ ಸಂಚಲವು ಕೆಂಪು ಕೋಟೆಯ ವರೆಗೂ ಸಾಗುವುದಿಲ್ಲ. ಬದಲಾಗಿ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಮುಕ್ತಾಯವಾಗಲಿದೆ.

ಇದನ್ನೂ ಓದಿ:ಟ್ರ್ಯಾಕ್ಟರ್‌ ಜಾಥಾ ತಡೆ ಕೋರಿರುವ ಅರ್ಜಿ ವಜಾಗೊಳಿಸಿ: ‘ಸುಪ್ರೀಂ’ಗೆ ರೈತ ಸಂಘಟನೆ

ಪಥಸಂಚಲನ ಅಂತರವನ್ನು ಶೇಕಡಾ 50ರಷ್ಟು ಕಡಿತಗೊಳಿಸಲಾಗಿದೆ. ಯೋಧರು ಮುಖಕ್ಕೆ ಮಾಸ್ಕ್ ಧರಿಸಲಿದ್ದು, ಈ ಬಾರಿ 12x12 ಬದಲು 12x8 ಸೈನ್ಯ ತುಕಡಿ ವ್ಯವಸ್ಥೆಯನ್ನು ಹೊಂದಿರಲಿದೆ. ಅಂದರೆ ವಾಡಿಕೆಯಂತೆ 144 ಜವಾನರ ಬದಲಾಗಿ ಒಂದು ದಳದಲ್ಲಿ 96 ಸೈನಿಕರು ಇರುತ್ತಾರೆ.

ಹಾಗಿದ್ದರೂ ಪೂರ್ವ ತರಬೇತಿಯಲ್ಲಿ ಮಾತ್ರ ಯಾವುದೇ ರಾಜಿಯಾಗಿಲ್ಲ. ಪ್ರತಿ ದಿನ ಮುಂಜಾನೆ 4.30ಕ್ಕೆ ಆಗಮಿಸುವ ಐಟಿಬಿಪಿ, ಸಿಆರ್‌ಪಿಆಫ್, ಸಿಐಎಸ್‌ಎಫ್ ಸೇರಿದಂತೆ ಸೈನಿಕ ಪಡೆ ಎಂಟರಿಂದ ಒಂಬತ್ತು ತಾಸುಗಳಷ್ಟು ಕಠಿಣ ತರಬೇತಿಯನ್ನು ನಡೆಸುತ್ತಿದ್ದಾರೆ.