ಗುಜರಾತ್‌ನಲ್ಲಿ ₹ 500 ನೋಟುಗಳ ಸುರಿ ಮಳೆ: ಹಣಕ್ಕಾಗಿ ಮುಗಿಬಿದ್ದ ಜನ

ಹೌದು, ಗುಜರಾತ್‌ ರಾಜ್ಯದಲ್ಲಿ ಈ ಘಟನೆ ನಡೆದಿದೆ. ಮನೆಯ ಮೇಲಿಂದ ನೋಟುಗಳನ್ನು ತೂರಿರುವ ವಿಡಿಯೊ ತುಣುಕುಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿವೆ.

ಇಲ್ಲಿನ ಮೆಹಸಾನ ಜಿಲ್ಲೆಯ ಕೇಕ್ರಿ ತಾಲೂಕಿನ ಅಗೋಲ್ ಎಂಬ ಗ್ರಾಮದಲ್ಲಿ ಈ ಘಟನೆ ನಡೆದಿದೆ. ತನ್ನ ಸಂಬಂಧಿ ಮದುವೆ ಕಾರ್ಯಕ್ರಮದಲ್ಲಿ ತಮ್ಮ ಮನೆಯ ಮೇಲಿಂದ ₹100 ಹಾಗೂ ₹500 ಮುಖ ಬೆಲೆ ನೋಟುಗಳನ್ನು ತೂರಿದ್ದಾರೆ. ನೋಟುಗಳನ್ನು ತೆಗೆದುಕೊಳ್ಳು ಜನರು ಮುಗಿ ಬಿದಿದ್ದಾರೆ ಎಂದು ಸ್ಥಳೀಯರೊಬ್ಬರು ಹೇಳಿದ್ದಾರೆ.

ನೋಟುಗಳನ್ನು ತೂರಿದ ವ್ಯಕ್ತಿಯನ್ನು ಸ್ಥಳೀಯ ಗಾಮಪಂಚಾಯ್ತಿ ಮಾಜಿ ಅಧ್ಯಕ್ಷ ಕರೀಂ ಯಾದವ್‌ ಎಂದು ಗುರುತಿಸಲಾಗಿದೆ. ತಮ್ಮ ಸಂಬಂಧಿ ರಜಾಕ್‌ ಮದುವೆಯಲ್ಲಿ ನೋಟುಗಳನ್ನು ಮಳೆಯಂತೆ ಸುರಿಸಿದ್ದಾರೆ.

ಕೆಲವು ದಿನಗಳ ಹಿಂದೆ ಹೈದರಾಬಾದ್‌ನಲ್ಲಿ ಇದೇ ರೀತಿಯ ಘಟನೆ ನಡೆದಿತ್ತು. ವಿವಾಹ ಕಾರ್ಯಕ್ರಮದ ವೇಳೆ ವ್ಯಕ್ತಿಯೊಬ್ಬರು ₹ 500 ರೂ ಮುಖಬೆಲೆಯ ನೋಟುಗಳನ್ನು ರಸ್ತೆಯಲ್ಲಿ ಎರಚಿದ್ದರು. ಬೆಂಗಳೂರಿನಲ್ಲಿ ವ್ಯಕ್ತಿಯೊಬ್ಬರು ಪ್ರಚಾರಕ್ಕಾಗಿ ₹10 ಮುಖ ಬೆಲೆಯ ನೋಟುಗಳನ್ನು ತೂರಿದ್ದರು.