ನವದೆಹಲಿ: ಕೇಂದ್ರ ಸರ್ಕಾರ ಟೆಲಿಕಾಂ ಕಂಪನಿಗಳಿಗೆ ಸಂಬಂಧಿಸಿದ ಪರವಾನಗಿ ನಿಯಮಗಳಿಗೆ ತಿದ್ದುಪಡಿ ತಂದಿದೆ. ಅದರಂತೆ, ಸರ್ಕಾರ ಅನುಮೋದಿಸಿದ ಸಾಧನಗಳನ್ನು ಮಾತ್ರ ಟೆಲಿಕಾಂ ಕಂಪನಿಗಳು ಅಳವಡಿಸಬೇಕು. ಈ ನಿಯಮ ಜೂ. 15ರಿಂದ ಜಾರಿಗೆ ಬರಲಿದೆ.
ಈ ನಿಯಮದಿಂದ, ವಿವಿಧ ಸಾಧನಗಳನ್ನು ಪೂರೈಸುವ ಚೀನಾ ಮೂಲದ ಕಂಪನಿಗಳಿಗೆ ಭಾರಿ ಹಿನ್ನಡೆಯಾಗಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.
ಹೊಸದಾಗಿ ಸಾಧನ ಅಳವಡಿಸಲು, ಈಗಿರುವ ನೆಟ್‌ವರ್ಕ್‌ ಉನ್ನತೀಕರಿಸಲು ಟೆಲಿಕಾಂ ಕಂಪನಿಗಳು ನ್ಯಾಷನಲ್‌ ಸೈಬರ್‌ ಸೆಕ್ಯುರಿಟಿ ಕೋ–ಆರ್ಡಿನೇಟರ್‌ ಅನುಮತಿ ಪಡೆಯುವುದು ಕಡ್ಡಾಯವಾಗಲಿದೆ.
