ಶಿಮ್ಲಾದಲ್ಲಿ ವರ್ಷದ ಮೊದಲ ಹಿಮಪಾತ

ಶಿಮ್ಲಾ, ಕುರ್ಫಿ, ಕೀಲಾಂಗ್‌, ಕಲ್ಪಾ ಸೇರಿದಂತೆ ಹಲವು ಪ್ರದೇಶಗಳಲ್ಲಿ ಗುರುವಾರ ಬೆಳಿಗ್ಗೆ 2021ನೇ ವರ್ಷದ ಮೊದಲ ಹಿಮಪಾತವಾಗಿದೆ.

‘ಮಧ್ಯಮ ಮತ್ತು ಎತ್ತರದ ಬೆಟ್ಟಗಳಲ್ಲಿ ಹಿಮಪಾತ ಮುಂದುವರಿಯುವ ಸಾಧ್ಯತೆಯಿದೆ’ ಎಂದು ಶಿಮ್ಲಾದ ಹವಾಮಾನ ಇಲಾಖೆ ಅಂದಾಜಿಸಿದೆ. ಹಿಮಾಚಲ ಪ್ರದೇಶದಲ್ಲಿ ಗುರುವಾರ ಗುಡುಗು ಸಹಿತ ಮಳೆಯಾಗಬಹುದು ಎಂದು ಹೇಳಿರುವ ಇಲಾಖೆಯು ರಾಜ್ಯದಲ್ಲಿ ‘ಯೆಲ್ಲೋ’ ಅಲರ್ಟ್‌ ಘೋಷಿಸಿದೆ.

‘ಬಯಲು ಪ್ರದೇಶ, ಸಣ್ಣ ಬೆಟ್ಟಗಳಲ್ಲಿ ಗುಡುಗಿನ ಆರ್ಭಟ ಇರುವ ಸಂಭವ ಇದೆ ಹಾಗೂ ಮಧ್ಯಮ ಮತ್ತು ಎತ್ತರದ ಬೆಟ್ಟಗಳಲ್ಲಿ ಮಳೆ ಮತ್ತು ಹಿಮಪಾತವಾಗುವ ಸಾಧ್ಯತೆಯಿದೆ’ ಎಂದು ಶಿಮ್ಲಾದ ಹವಾಮಾನ ಕೇಂದ್ರವು ತಿಳಿಸಿದೆ.