ಸೂರತ್‌: ಗುಜರಾತ್‌ನ ಸೂರತ್‌ ಜಿಲ್ಲೆಯಲ್ಲಿ ಶಂಕಿತ ನಕ್ಸಲನೊಬ್ಬನನ್ನು ಶನಿವಾರ ಬಂಧಿಸಲಾಗಿದೆ. ಜಾರ್ಖಂಡ್ ಪೊಲೀಸರಿಗೆ ಬೇಕಾಗಿದ್ದ ಈತ ಕಾರ್ಖಾನೆಯೊಂದರಲ್ಲಿ 3 ವರ್ಷದಿಂದ ಮೆಕಾನಿಕ್ ಆಗಿ ಕೆಲಸ ಮಾಡುತ್ತಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
ಬಂಧಿತನನ್ನು ಗುಡ್ಡುಸಿಂಗ್ ಎಂದು ಗುರುತಿಸಲಾಗಿದೆ. ಸೂರತ್‌ನ ಕೊಸಂಬಾ ಮತ್ತು ಜಾರ್ಖಂಡ್‌ನ ನವದಿಹಾ ಬಜಾರ್‌ ಪೊಲೀಸರು ಶನಿವಾರ ಜಂಟಿ ಕಾರ್ಯಾಚರಣೆ ನಡೆಯಿತು ಎಂದು ಪೊಲೀಸ್‌ ವರಿಷ್ಠಾಧಿಕಾರಿ ವಿ.ಕೆ ಪಟೇಲ್‌ ತಿಳಿಸಿದರು.
‘ಗುಡ್ಡು ಸಿಂಗ್‌, ಜಾರ್ಖಂಡ್‌ನ ಪಾಲಂ ಜಿಲ್ಲೆಯ ಕೊರಾಮಿ ಗ್ರಾಮದ ನಿವಾಸಿ. ಈತನ ವಿರುದ್ದ ಕೊಲೆ, ಅಪಹರಣ, ಕೊಲೆ ಯತ್ನ ಸೇರಿ ಆರು ಪ್ರಕರಣಗಳಿವೆ. ಜಾರ್ಖಂಡ್ ಪೊಲೀಸರ ವಾಂಟೆಡ್‌ ಪಟ್ಟಿಯಲ್ಲಿ ಗುಡ್ಡು ಸಿಂಗ್‌ನ ಹೆಸರೂ ಇದೆ’ ಎಂದರು.
