ಗಾಯತ್ರಿ (30), ಅವರ ಮೂರು ವರ್ಷದ ಹೆಣ್ಣು ಮಗು, ಎರಡು ತಿಂಗಳು ಗಂಡು ಮಗು ಮತ್ತು ಆಕೆಯ ಅತ್ತೆ ಸೋನಾ ದೇವಿ (60) ಅವರು ಮನೆಯ ಒಂದು ಕೋಣೆಯಲ್ಲಿ ಮಲಗಿದ್ದರು. ಕೋಣೆಯನ್ನು ಬೆಚ್ಚಗಿರಿಸಲು ಕಬ್ಬಿಣದ ಒಲೆಯಲ್ಲಿ ಕಲ್ಲಿದ್ದಲನ್ನು ಉರಿಯಲು ಇಡಲಾಗಿತ್ತು. ಬೆಳಗ್ಗೆಯಾದರೂ ಕೋಣೆಯಿಂದ ಯಾರೊಬ್ಬರೂ ಹೊರಗೆ ಬಂದಿರಲಿಲ್ಲ. ಇದರಿಂದಾಗಿ ದೇವಿ ಅವರ ಪತಿ ಬಾಗಿಲು ತಟ್ಟಿ ಕೂಗಿದ್ದರು. ಯಾವುದೇ ಪ್ರತಿಕ್ರಿಯೆ ಬಾರದಿದ್ದಾಗ, ನೆರೆಹೊರೆಯವರನ್ನು ಕೂಗಿ ಬಾಗಿಲು ಮುರಿದು ಒಳಗೆ ಹೋಗಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ.