2022ರಲ್ಲಿ ತಿರುಪತಿ ಹುಂಡಿ ಸಂಗ್ರಹ ₹1,450 ಕೋಟಿ

ಕಳೆದ ವರ್ಷ 2.37 ಕೋಟಿ ಭಕ್ತರು ದೇವಾಲಯಕ್ಕೆ ಭೇಟಿ ನೀಡಿದ್ದರು. 2021ರಲ್ಲಿ ದೇಗುಲದ ಹುಂಡಿ ಸಂಗ್ರಹ ₹833.41 ಕೋಟಿ ಮತ್ತು ಭೇಟಿ ನೀಡಿದ್ದ ಭಕ್ತರ ಸಂಖ್ಯೆ 1.04 ಕೋಟಿಯಾಗಿತ್ತು ಎಂದು ಅವರು ತಿಳಿಸಿದ್ದಾರೆ.

2021 ರ ಹೆಚ್ಚಿನ ಭಾಗ ಮತ್ತು 2022 ರ ಆರಂಭದಲ್ಲಿ ಕೋವಿಡ್‌ ನಿರ್ಬಂಧಗಳಿದ್ದವು. ಹೀಗಾಗಿ ಇವೆರಡು ವರ್ಷಗಳನ್ನು ಹೋಲಿಸಲು ಸಾಧ್ಯವಿಲ್ಲ ಎಂದು ದೇವಾಲಯದ ಆಡಳಿತ ಮಂಡಳಿ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಟಿಟಿಡಿ ಅಧಿಕೃತ ಅಂಕಿ ಅಂಶಗಳ ಪ್ರಕಾರ, ಡಿಸೆಂಬರ್ ತಿಂಗಳೊಂದರಲ್ಲೇ ಹುಂಡಿ ಸಂಗ್ರಹ ₹129.37 ಕೋಟಿ. ದೇವಸ್ಥಾನಕ್ಕೆ ಭೇಟಿ ನೀಡಿದ ಭಕ್ತರ ಸಂಖ್ಯೆ 20.25 ಲಕ್ಷ. 2023ರ ಜನವರಿ 11ರವರೆಗೆ 6 ಲಕ್ಷಕ್ಕೂ ಹೆಚ್ಚು ಭಕ್ತರು ದೇವಾಲಯಕ್ಕೆ ಭೇಟಿ ನೀಡಿ ಶ್ರೀವಾರಿ ಹುಂಡಿಯಲ್ಲಿ ₹39.40 ಕೋಟಿ ಕಾಣಿಕೆ ಸಲ್ಲಿಸಿದ್ದಾರೆ. ಟಿಟಿಡಿ 2022 ರಲ್ಲಿ 11.54 ಲಕ್ಷ ಲಡ್ಡು ಪ್ರಸಾದವನ್ನು ಮಾರಾಟ ಮಾಡಿದೆ. 2021ರಲ್ಲಿ ಹಿಂದಿನ ವರ್ಷದಲ್ಲಿ 5.96 ಲಕ್ಷ ಲಡ್ಡು ಮಾರಿತ್ತು ಎಂದು ಟಿಟಿಡಿ ಹೇಳಿದೆ.