ಡೆಹ್ರಾಡೂನ್‌ (ಪಿಟಿಐ): ಋಷಿಕೇಶದ ಬಳಿ 19 ವರ್ಷ ವಯಸ್ಸಿನ ಸ್ವಾಗತಕಾರಿಣಿಯನ್ನು ಹತ್ಯೆಗೈದ ಪ್ರಕರಣವನ್ನು ಖಂಡಿಸಿ ಸ್ಥಳೀಯರು ಪ್ರತಿಭಟನೆ ನಡೆಸಿದ ಕಾರಣ ಉತ್ತರಾಖಂಡದ ಶ್ರೀನಗದರ ಬಳಿ ಋಷಿಕೇಶ–ಬದ್ರಿನಾಥ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಹಲವು ಗಂಟೆಗಳ ಕಾಲ ಸಂಚಾರ ಸ್ಥಗಿತವಾಗಿತ್ತು.
ಪ್ರತಿಭಟನಕಾರರು ಹೆದ್ದಾರಿ ಮೇಲೆ ಕುಳಿತು ಧರಣಿ ನಡೆಸಿದರು.ಅವರ ಜೊತೆ ಮಾತನಾಡಲು ಮೃತ ಯುವತಿ ಅಂಕಿತಾ ಬಂಡಾರಿ ಅವರ ತಂದೆ ವಿರೇಂದ್ರ ಸಿಂಗ್‌ ಬಂಡಾರಿ ಅವರನ್ನು ಪೊಲೀಸರು ಸ್ಥಳಕ್ಕೆ ಕರೆದುಕೊಂಡುಬಂದರು. ಆದರೂ ಪ್ರತಿಭಟನಕಾರರು ಸ್ಥಳದಿಂದ ಹೊರಡಲು ನಿರಾಕರಿಸಿದರು. ಅಂಕಿತಾ ಸಾವಿಗೆ ಕಾರಣರಾದವರನ್ನು ಕೂಡಲೇ ಗಲ್ಲಿಗೇರಿಸುವಂತೆ ಅವರು ಆಗ್ರಹಿಸಿದರು.
