ಫಗ್ವಾರ, ಪಂಜಾಬ್ (ಪಿಟಿಐ):ಲವ್ಲಿ ಪ್ರೊಫೆಷನಲ್ ವಿಶ್ವವಿದ್ಯಾಲಯದ ಪ್ರಾಧ್ಯಾಪಕಿಯೊಬ್ಬರು ಶ್ರೀರಾಮನ ಬಗ್ಗೆ ಅವಹೇಳಕಾರಿಯಾಗಿ ಮಾತನಾಡಿದ್ದಕ್ಕೆ ಕಾಲೇಜಿನ ಆಡಳಿತ ಮಂಡಳಿಯು ಅವರನ್ನು ಕೆಲಸದಿಂದ ತೆಗೆದುಹಾಕಿದೆ.
ಗುರ್ಸಂಗ್ ಪ್ರೀತ್ ಕೌರ್ ಕೆಲಸದಿಂದ ವಜಾಗೊಂಡಸಹಾಯಕ ಪ್ರಾಧ್ಯಾಪಕಿ. ಇವರು ಶ್ರೀ ರಾಮನ ಬಗ್ಗೆ ಕೆಟ್ಟ ಪದಗಳನ್ನು ಬಳಸಿ, ವಿಡಿಯೋ ಮಾಡಿ, ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದರು. ಈ ವಿಡಿಯೋವನ್ನು ವೀಕ್ಷಿಸಿದ ಜನರು ಆಕೆಯನ್ನು ಕೆಲಸದಿಂದ ತೆಗೆದುಹಾಕುವಂತೆ ಒತ್ತಡ ಹಾಕಿದ್ದರು.
ಗುರ್ಸಂಗ್ ಅವರನ್ನು ವಜಾಗೊಳಿಸಿದ ಆಡಳಿತ ಮಂಡಳಿ, ‘ಪ್ರಾಧ್ಯಾಪಕಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡ ವಿಷಯಗಳೆಲ್ಲ ಅವರ ವೈಯಕ್ತಿಕ. ಕಾಲೇಜು ಇಂತಹ ಕೆಲಸಗಳನ್ನು ಅನುಮೋದಿಸುವುದಿಲ್ಲ’ ಎಂದು ಹೇಳಿದೆ.