16 ಅಡಿ ಎತ್ತರದ ಕರುಣಾನಿಧಿಯ ಕಂಚಿನ ಪ್ರತಿಮೆ ಅನಾವರಣ

ನಗರದ ಒಮಂದುರಾರ್ ಎಸ್ಟೇಟ್‌ನಲ್ಲಿರುವ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆಯ ಆವರಣದಲ್ಲಿ ಈ ಪ್ರತಿಮೆ ನಿರ್ಮಿಸಲಾಗಿದೆ. 35 ವರ್ಷಗಳ ಹಿಂದೆ ಎಐಎಡಿಎಂಕೆಯ ಸಂಸ್ಥಾಪಕ ಎಂ.ಜಿ. ರಾಮಚಂದ್ರನ್ ಅವರ ಸಾವಿನ ಬಳಿಕ ಕರುಣಾನಿಧಿ ಅವರ ಪ್ರತಿಮೆಯನ್ನು ಧ್ವಂಸಗೊಳಿಸಲಾಗಿತ್ತು. ಅಂದು ಪ್ರತಿಮೆ ಇದ್ದ ಸ್ಥಳದಿಂದ 100 ಮೀಟರ್ ದೂರದಲ್ಲಿ ಈ ಪ್ರತಿಮೆ ಸ್ಥಾಪಿಸಲಾಗಿದೆ.

ರಾಷ್ಟ್ರೀಯ ನಾಯಕ ಪೆರಿಯಾರ್ ಅವರೇ ಕರುಣಾನಿಧಿ ಅವರ ಪ್ರತಿಮೆ ಸ್ಥಾಪನೆಗೆ ಮುಂದಾಗಿದ್ದರು. ಆದರೆ, ಪೆರಿಯಾರ್ ಅವರ ಸಾವಿನ ಬಳಿಕ ಅವರ ಪತ್ನಿ ಅವರು ಕರುಣಾನಿಧಿ ಅವರ ಪ್ರತಿಮೆ ಸ್ಥಾಪಸಿದ್ದರು. ಆದರೆ ಈ ಪ್ರತಿಮೆಯನ್ನು ಎಂ.ಜಿ.ಆರ್ ಅವರ ಸಾವು ಸಂಭವಿಸಿದ್ದಾಗ ರಾಜಕೀಯ ಕಾರಣಗಳಿಗಾಗಿ ಕೆಲ ದುಷ್ಟ ಶಕ್ತಿಗಳು ಕೆಡವಿ ಹಾಕಿದ್ದವು ಎಂದು ಸ್ಟಾಲಿನ್ ಹೇಳಿದ್ದರು.