ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಗುಜರಾತ್‌ನಲ್ಲಿ ಮದ್ಯ ಸೇವಿಸುತ್ತಿರುವ ಮಹಿಳೆಯರ ಸಂಖ್ಯೆ ದುಪ್ಪಟ್ಟು!

Last Updated 11 ಜನವರಿ 2021, 15:24 IST
ಅಕ್ಷರ ಗಾತ್ರ

ಅಹಮದಾಬಾದ್‌: ಮದ್ಯ ಮಾರಾಟ ನಿಷೇಧವಾಗಿರುವ ಗುಜರಾತ್‌ನಲ್ಲಿ, ಕಳೆದ ನಾಲ್ಕು ವರ್ಷಗಳಲ್ಲಿ ಮದ್ಯ ಸೇವನೆ ಮಾಡುವ ಮಹಿಳೆಯರ ಸಂಖ್ಯೆ ದುಪ್ಪಟ್ಟಾಗಿದೆ ಎಂದು 2019–20 ಸಾಲಿನ ರಾಷ್ಟ್ರೀಯ ಕುಟುಂಬ ಆರೋಗ್ಯ ಸಮೀಕ್ಷೆಯಿಂದ (ಎನ್‌ಎಫ್‌ಎಚ್‌ಎಸ್‌–5) ಬಹಿರಂಗವಾಗಿದೆ.

ಒಟ್ಟು 33,343 ಮಹಿಳೆಯರು ಹಾಗೂ 5,351 ಪುರುಷರನ್ನು ಸಮೀಕ್ಷೆಗೆ ಒಳಪಡಿಸಲಾಗಿತ್ತು. 2015–16ರಲ್ಲಿ ನಡೆದ ಎನ್‌ಎಫ್‌ಎಚ್‌ಎಸ್‌–4ರಲ್ಲಿ 68 ಮಹಿಳೆಯರು ಮದ್ಯ ಸೇವನೆ ಮಾಡುತ್ತಿರುವುದಾಗಿ ಹೇಳಿಕೊಂಡಿದ್ದರು. ಪ್ರಸ್ತುತ ಈ ಸಂಖ್ಯೆ 200ಕ್ಕೆ ಏರಿಕೆಯಾಗಿದೆ. ಎನ್‌ಎಚ್‌ಎಫ್‌ಎಸ್‌–4ರಲ್ಲಿ 22,932 ಮಹಿಳೆಯರು ಹಾಗೂ 5,574 ಪುರುಷರನ್ನು ಸಮೀಕ್ಷೆಗೊಳಪಡಿಸಲಾಗಿತ್ತು.

ಎನ್‌ಎಚ್‌ಎಫ್‌ಎಸ್‌–4ಕ್ಕೆ ಹೋಲಿಸಿದರೆ, ಮದ್ಯ ಸೇವಿಸಿದ ಪುರುಷರ ಸಂಖ್ಯೆ ಇದೇ ಅವಧಿಯಲ್ಲಿ ಅರ್ಧದಷ್ಟು ಇಳಿಕೆಯಾಗಿದೆ. 2015–16ರ ಸಮೀಕ್ಷೆಯಲ್ಲಿ 618 ಪುರುಷರು ಮದ್ಯ ಸೇವಿಸಿದ್ದೇವೆ ಎಂದು ಹೇಳಿದ್ದರು. ಈ ಸಂಖ್ಯೆ ಇದೀಗ 310ಕ್ಕೆ ಇಳಿಕೆಯಾಗಿದೆ.

‘ಪಾರ್ಟಿ ಸಂಸ್ಕೃತಿ ಹಾಗೂ ಸಮಾಜವು ಮಹಿಳೆಯರು ಮದ್ಯ ಸೇವನೆ ಮಾಡುವುದನ್ನು ಒಪ್ಪಿಕೊಳ್ಳುತ್ತಿರುವ ಕಾರಣ, ಮದ್ಯ ಸೇವನೆ ಮಾಡುತ್ತಿರುವ ಮಹಿಳೆಯರ ಸಂಖ್ಯೆ ಹೆಚ್ಚಳವಾಗಿದೆ. ಈ ಹಿಂದೆ ಮದ್ಯ ಸೇವನೆ ಮಾಡಲು ಪುರುಷರು ಹೊರಹೋಗುತ್ತಿದ್ದರು. ಇದೀಗ ಕುಟುಂಬದ ಕಾರ್ಯಕ್ರಮಗಳಲ್ಲೂ ಮದ್ಯ ಸೇವನೆಯ ಸಂಸ್ಕೃತಿ ಬಂದಿದೆ’ ಎಂದು ಸಮಾಜಶಾಸ್ತ್ರಜ್ಞರಾದ ಗೌರಂಗ್‌ ಜಾನಿ ಹೇಳಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT