ಬೆಂಗಳೂರು: ಜುಲೈ ತಿಂಗಳಲ್ಲಿ ರಾಜ್ಯದಲ್ಲಿ 53.41 ಲಕ್ಷ ಪೆಟ್ಟಿಗೆಗಳಷ್ಟು ದೇಶೀಯವಾಗಿ ತಯಾರಾದ ಮದ್ಯ (ಐಎಂಎಲ್) ಮಾರಾಟವಾಗಿದೆ. ಜೂನ್ಗೆ ಹೋಲಿಸಿದರೆ ಮದ್ಯ ಮಾರಾಟದಲ್ಲಿ ಶೇಕಡ 9.16ರಷ್ಟು ಹೆಚ್ಚಳವಾಗಿದೆ.
ಏಪ್ರಿಲ್ನಲ್ಲಿ 55.99 ಲಕ್ಷ ಪೆಟ್ಟಿಗೆಯಷ್ಟು ಐಎಂಎಲ್ ಮಾರಾಟವಾಗಿತ್ತು. ಮೇ ತಿಂಗಳಿನಲ್ಲಿ ಮಾರಾಟ ಕುಸಿದಿತ್ತು. ಆಗ 43.67 ಲಕ್ಷ ಪೆಟ್ಟಿಗೆಯಷ್ಟೇ ಮಾರಾಟವಾಗಿತ್ತು. ಜೂನ್ನಲ್ಲಿ 54.53 ಲಕ್ಷ ಪೆಟ್ಟಿಗೆಗಳಷ್ಟು ಐಎಂಎಲ್ ಬಿಕರಿಯಾಗಿತ್ತು.
ಮೇ ತಿಂಗಳಲ್ಲಿ ಶೇ 1.78, ಜೂನ್ನಲ್ಲಿ ಶೇ 3.14ರಷ್ಟು ಕುಸಿದಿತ್ತು. ಜುಲೈನಲ್ಲಿ ಶೇ 9.16ರಷ್ಟು ಏರಿಕೆಯಾಗಿದೆ ಎಂದು ಅಬಕಾರಿ ಇಲಾಖೆಯ ಅಂಕಿಅಂಶಗಳಲ್ಲಿದೆ.
2020–21ನೇ ಆರ್ಥಿಕ ವರ್ಷದ ಮೊದಲ ನಾಲ್ಕು ತಿಂಗಳಲ್ಲಿ 1.49 ಕೋಟಿ ಪೆಟ್ಟಿಗೆಯಷ್ಟು ಮಾರಾಟವಾಗಿದ್ದರೆ, 2021–22ರ ಮೊದಲ ನಾಲ್ಕು ತಿಂಗಳಲ್ಲಿ 2.07 ಕೋಟಿ ಪೆಟ್ಟಿಗೆಗಳಷ್ಟು ಮದ್ಯ ಮಾರಾಟವಾಗಿದೆ.