ಬೆಂಗಳೂರು: ಬಹುಭಾಷಾ ಕಲಾವಿದ, ಕನ್ನಡದ ನಟ ಕೆ. ವಿಶ್ವನಾಥ್ ತೀವ್ರ ಅನಾರೋಗ್ಯದ ಸಮಸ್ಯೆಯಿಂದ ಬಳಲುತ್ತಿದ್ದಾರೆ.
ಪುಟ್ಟಣ್ಣ ಕಣಗಾಲ್ ನಿರ್ದೇಶನದ ‘ಪಡುವಾರಹಳ್ಳಿ ಪಾಂಡವರು’ ಚಿತ್ರದಲ್ಲಿ ಮುಖ್ಯಪಾತ್ರದಲ್ಲಿ ನಟಿಸಿರುವ ವಿಶ್ವನಾಥ್, ಡಾ. ರಾಜಕುಮಾರ್ ಅವರ ‘ಚಲಿಸುವ ಮೋಡಗಳು’ ಸೇರಿದಂತೆ ಅನೇಕ ಸಿನಿಮಾಗಳಿಗಾಗಿ ಬಣ್ಣ ಹಚ್ಚಿದ್ದಾರೆ.
ಮಧುಮೇಹದಿಂದ ಬಳಲುತ್ತಿರುವ ಅವರಿಗೆ ಕಾಲಿನ ಶಸ್ತ್ರಚಿಕಿತ್ಸೆಯೂ ಆಗಿದೆ. ಸದ್ಯ, ವಿಜಯನಗರದ ಬಿಜಿಎಸ್‌ ಆಸ್ಪತ್ರೆ ಯಲ್ಲಿ ಮೂರು ತಿಂಗಳಿಂದ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಚಿಕಿತ್ಸೆಗೆ ಸಾಕಷ್ಟು ಹಣ ಅಗತ್ಯವಿದ್ದು, ಕಲಾಭಿಮಾನಿಗಳು ನೆರವು ನೀಡಬೇಕು ಎಂದು ಅವರು ಕೋರಿದ್ದಾರೆ.
ಕೆ. ವಿಶ್ವನಾಥ್ ಅವರ ಬ್ಯಾಂಕ್‌ ಖಾತೆ ವಿವರ: ಖಾತೆ ಸಂಖ್ಯೆ– 04402010062749, ಐಎಫ್‌ಎಸ್‌ಸಿ ಕೋಡ್‌– 00004400.
