ಬೆಳಗಾವಿ: ಇಲ್ಲಿನ ಅಂಬೇಡ್ಕರ್ ರಸ್ತೆಯಲ್ಲಿ ಸೋಮವಾರ ರಾತ್ರಿ ಪಬ್ ನ ಮೂರನೇ ಮಹಡಿಯಿಂದ ಬಿದ್ದು ಯುವಕ ಸಾವಿಗೀಡಾಗಿದ್ದಾನೆ.
ಉತ್ತರಕನ್ನಡ ಜಿಲ್ಲೆಯ ಹಳಿಯಾಳ ಮೂಲದ ಲೋಕೇಶ ಶಾನಭಾಗ (28) ಸಾವಿಗೀಡಾದ ಯುವಕ.
ಸಂಜೆ ಗೆಳೆಯ, ಗೆಳತಿಯರ ಜತೆ ಪಬ್ ಗೆ ಬಂದಿದ್ದ ಯುವಕ ಕುಡಿದು ನೃತ್ಯ ಮಾಡಿದ್ದ. ಏಕಾಏಕಿ ಪಬ್ ನ ಕಿಟಕಿ ತೆರೆದು ಕೆಳಗೆ ಜಿಗಿದ ಎಂದು ಮೂಲಗಳು ತಿಳಿಸಿವೆ.
ರಕ್ತದ ಮಡುವಿನಲ್ಲಿ ಬಿದ್ದು ಒದ್ದಾಡುತ್ತಿದ್ದ ಯುವಕನನ್ನು ಆಸ್ಪತ್ರೆಗೆ ಸಾಗಿಸಲಾಯಿತು. ಚಿಕಿತ್ಸೆಗೆ ಸ್ಪಂದಿಸದೇ ಅವರು ಪ್ರಾಣಬಿಟ್ಟಿದ್ದರು. ಸಾವಿಗೆ ನಿಖರ ಕಾರಣ ಗೊತ್ತಾಗಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
