‘ಆ ಸಭೆಯಲ್ಲಿ ಜಿಲ್ಲಾ ಮಟ್ಟದ ಅಧಿಕಾರಿಗಳಿಂದ ಅಕ್ರಮ ಗಣಿಗಾರಿಕೆ ಬಗ್ಗೆ ವಿಸ್ತೃತ ಮಾಹಿತಿಯನ್ನು ಪಡೆಯಲಾಗುವುದು. ಗಣಿ ನಡೆಸುವವರು ಎಲ್ಲ ರೀತಿಯ ಪರವಾನಗಿಗಳನ್ನು ಪಡೆದುಕೊಂಡಿರುತ್ತಾರೆ. ಆದರೆ, ನಿಗದಿ ಮಾಡಿದ ಪ್ರಮಾಣಕ್ಕಿಂತ ಹಲವು ಪಟ್ಟು ಹೆಚ್ಚು ಖನಿಜಗಳನ್ನು ತೆಗೆದು ಸಾಗಿಸುತ್ತಾರೆ. ಉದಾಹರಣೆಗೆ ಒಂದು ಲಾರಿಗೆ ಅನುಮತಿ ಪಡೆದು 10 ಲಾರಿಗಳಲ್ಲಿ ಖನಿಜ ಸಾಗಿಸುತ್ತಾರೆ. ಇದನ್ನು ಅಕ್ರಮ ಎಂದು ಪರಿಗಣಿಸಲಾಗುತ್ತದೆ. ಡ್ರೋನ್ ಸಮೀಕ್ಷೆ ಮೂಲಕ ಇದನ್ನು ಪತ್ತೆ ಮಾಡಬಹುದು’ ಎಂದರು.