ಮೃತ ಸೈನಿಕರ ಕುಟುಂಬಕ್ಕೆ ಸರ್ಕಾರಿ ಉದ್ಯೋಗ: ಪ್ರಸ್ತಾವಕ್ಕೆ ಸರ್ಕಾರ ಅನುಮೋದನೆ

ಸೈನಿಕರು ಮತ್ತು ಪುನರ್ವಸತಿ ಇಲಾಖೆಯ ಪ್ರಸ್ತಾವಕ್ಕೆ ಆರ್ಥಿಕ ಇಲಾಖೆಯೂ ಅನುಮೋದನೆ ನೀಡಿದ್ದು, ಸರ್ಕಾರವೂ ಸಮ್ಮತಿಸಿದೆ.

ಮೃತ ಸೈನಿಕರ ಅವಲಂಬಿತ ಕುಟುಂಬಗಳಿಗೆ ರಾಜ್ಯ ಸರ್ಕಾರ ಪ್ರಸ್ತುತ ₹ 50 ಲಕ್ಷ ನಗದು, ಅಧಿಕಾರಿ ಶ್ರೇಣಿಯವರಿಗೆ 60X40 ಹಾಗೂ ಸೈನಿಕರಿಗೆ 40X30 ನಿವೇಶನ, ಮನೆಕಟ್ಟಿಕೊಳ್ಳಲು ₹ 6 ಲಕ್ಷ ಹಾಗೂ₹ 4.5 ಲಕ್ಷ, 2ರಿಂದ 8 ಎಕರೆ ಉಚಿತ ಜಮೀನು, ಪ್ರತಿ 15 ವರ್ಷಕ್ಕೆ ಒಮ್ಮೆ ಮನೆ ದುರಸ್ತಿಗೆ ₹ 3 ಲಕ್ಷ, ಇಬ್ಬರು ಹೆಣ್ಣು ಮಕ್ಕಳ ಮದುವೆಗೆ ತಲಾ ₹ 5 ಲಕ್ಷ, ಆಸ್ತಿ ತೆರಿಗೆಯಲ್ಲಿ ಶೇ 50ರಷ್ಟು ರಿಯಾಯಿತಿ ನೀಡುತ್ತಿದೆ.

ಹೊಸ ಆದೇಶದ ನಂತರ ಹಿಂದೆ ನೀಡಲಾಗುತ್ತಿದ್ದ ಸವಲತ್ತುಗಳನ್ನು ಸ್ಥಗಿತಗೊಳಿಸಲಾಗುತ್ತದೆಯೋ, ಮುಂದುವರಿಸಲಾಗುವುದೋ ಎನ್ನುವ ಕುರಿತು ಆದೇಶದಲ್ಲಿ ಯಾವ ಮಾಹಿತಿಯೂ ಇಲ್ಲ.