ದಾವಣಗೆರೆ: ಕೆ–ಸೆಟ್‌ ಪರೀಕ್ಷೆಯನ್ನು ಸೆ.20ರ ಬದಲು ಸೆ.27ರಂದು ನಡೆಸಲು ನಿರ್ಧರಿಸಲಾಗಿದೆ.
ಪೊಲೀಸ್‌ ಹುದ್ದೆಗಳಿಗೆ ಸಂಬಂಧಿಸಿದ ಪರೀಕ್ಷೆ ಇರುವ ದಿನವೇ ಕೆ–ಸೆಟ್‌ ಪರೀಕ್ಷೆ ನಿಗದಿಗೊಳಿಸಲಾಗಿತ್ತು. ಇದರಿಂದ ಎರಡೂ ಪರೀಕ್ಷೆಗಳಿಗೆ ಅರ್ಜಿ ಸಲ್ಲಿಸಿದವರಿಗೆ ತೊಂದರೆಯಾಗುತ್ತಿತ್ತು. ಈ ಬಗ್ಗೆ ‘ಪ್ರಜಾವಾಣಿ’ ಆ.27ರ ಸಂಚಿಕೆಯಲ್ಲಿ ಮುಖಪುಟದಲ್ಲಿ ವಿಶೇಷ ವರದಿ ಪ್ರಕಟಿಸಿ ಸಮಸ್ಯೆ ವಿವರಿಸಿತ್ತು.
ಮೈಸೂರು ವಿಶ್ವವಿದ್ಯಾಲಯದ ಅಧಿಕೃತ ವೆಬ್‌ಸೈಟ್‌ http://kset.uni-mysore.ac.in ಇದರಲ್ಲಿ ಸೆ.27ಕ್ಕೆ ಕೆ–ಸೆಟ್‌–2020 ಪರೀಕ್ಷೆ ಎಂದು ಸ್ಕ್ರಾಲಿಂಗ್‌ ಹಾಕಲಾಗಿದೆ.
